ஏப்ரல் 2016 – 14.04.1999 அன்று அருளிய “கருவூர் முனிவரின் கருணை” – குருநாதர் அருளுரை -APRIL 2016

அகத்தியர் துணை

அருட்பெருஞ்சோதி அருட்பெருஞ்சோதி

தனிப்பெருங்கருணை அருட்பெருஞ்சோதி

 

ஞானத்திருவடி

ஓங்காரக்குடில் ஆசான் அருளிய சன்மார்க்க உண்மைப் பத்திரிகை மன்மத சித்திரை (ஏப்ரல் – 2016)

விலை: ரூ.10/-

முருகப்பெருமானின் கல்கி அவதாரம்

தவத்திரு ஆறுமுக அரங்கமகா தேசிக சுவாமிகள்

 

உள்ளடக்கம்

 

1. சித்தர்கள் போற்றித் தொகுப்பு —

2. 14.04.1999 அன்று அருளிய கருவூர் முனிவரின் கருணை – குருநாதர் அருளுரை —

3. தெய்வம் இகழேல் (ஆத்திசூடி) – குருநாதர் அருளுரை —

 

வாரீர் ஏழாம் படை வீட்டுக்கு

வகைபட சரவண ஜோதி ஏற்றி

வாரீர் ஆறுமுக அரங்கமகா தேசிகனே என

வணங்கி சேவைகளில் ஈடுபட

 

ஈடுபட தருமத்தில் பங்களித்து

இணையிலா தரும் பலம் பெருக்க

ஈடு இல்லா மேல்நிலை பெறுவர்

எக்காலமும் பொருள் வளம் குன்றா

 

குன்றா சிறப்பு காண்பர்

குவலயத்தில் வாழும் வாழ்வில்

நன்றானவர்கள் தொடர்பு கூடி

ஞானவழிகளிலும் சிறந்து நிற்பர்

மகான் வியாச முனிவர்.

 

அன்பார்ந்த வாசகர்களுக்கு வணக்கம்,

ஞானத்திருவடி நூலே ஞானிகள் திருவடியாகும்.

ஞானத்திருவடி என்னும் நூல் முற்றுப்பெற்ற மகான்களைப் பற்றி பேசுவதாகும். இந்நூலை வாங்குதல், படித்தல், மற்றவர்களுக்கு வாங்கிக் கொடுத்தல் ஆகிய அனைத்துமே ஜென்மத்தைக் கடைத்தேற்ற உதவும். எனவே இந்நூல் ஞானவாழ்வு விரும்புகிறவர்களுக்கு ஒரு வரப்பிரசாதம் ஆகும். இந்நூல் வீட்டில் இருந்தால் நவகோடி சித்தர்களும், சித்தர்களுக்கெல்லாம் தலைவராகிய அகத்தீசரும், அவருக்கு ஆசானாகிய சுப்பிரமணியரும் நமது வீட்டில் இருந்து அருள் செய்வதாக எண்ணவேண்டும்.

 

மேலும் ஓங்காரக்குடில் ஆசான் 40 ஆண்டு காலம் ஓங்காரக்குடிலில் கடுந்தவம் இருந்து வருகிறார்கள். உலக மக்களை கடவுளின் பிள்ளைகளாக பார்த்து, அவர்களுக்கு வரும் துன்பங்களிலிருந்தும், துயரங்களிலிருந்தும் விடுவித்து ஞானியர்களின் திருவடிதான் உண்மை ஆன்மீகம் என்று சொல்லி அவ்வழியில் நம்மை அழைத்துச் செல்லும் ஓங்காரக்குடில் ஆசான் முருகப்பெருமானின் கல்கி அவதாரம் தவத்திரு ஆறுமுக அரங்கமகா தேசிக சுவாமிகள்அவர்கள், ஞானிகளின் பாடல்களில், தான் உணர்ந்த பல இரகசியங்களை நம்பால் கருணைக்கொண்டு எளிய முறையில் அருளிய அருளுரைகள் அடங்கியதுதான் ஞானத்திருவடி நூல். விரைவில் எதிர்பாருங்கள் அற்புதமான ஞானயுகம் அமைகின்றதை!

அன்புடன் – இரா.மாதவன்.

 

துவக்கப்பாடல்

 

திருவடி ஞானம் சிவமாக்கு விக்கும்

திருவடி ஞானம் சிவலோகம் சேர்க்கும்

திருவடி ஞானம் சிறைமலம் மீட்கும்

திருவடி ஞானமே திண்சித்தி முத்தியே.

திருமந்திரம் : திருவடிப்பேறு1598

 

ஞானியர்களின் திருவடி பூஜைதான் உண்மை ஆன்மீகம் என்று உலகறியச் செய்யும் வள்ளல்,

சிவராஜயோகிபரமானந்த சதாசிவ சற்குரு

தவத்திரு ரெங்கராஜ தேசிக சுவாமிகள் அவர்கள்

தொகுத்து வழங்கிய

 

சித்தர்கள் போற்றித் தொகுப்பு

 

ஓம்

அகத்தியர்

திருவடிகள் போற்றி

ஓம்

அகப்பைச்சித்தர்

திருவடிகள் போற்றி

ஓம்

அசுவினித்தேவர்

திருவடிகள் போற்றி

ஓம்

அத்திரி மகரிஷி

திருவடிகள் போற்றி

ஓம்

அநுமான்

திருவடிகள் போற்றி

ஓம்

அம்பிகானந்தர்

திருவடிகள் போற்றி

ஓம்

அருணகிரிநாதர்

திருவடிகள் போற்றி

ஓம்

அருள்நந்திசிவாச்சாரியார்

திருவடிகள் போற்றி

ஓம்

அல்லமாபிரபு

திருவடிகள் போற்றி

ஓம்

அழுகண்ணிச்சித்தர்

திருவடிகள் போற்றி

10

ஓம்

இடைக்காடர்

திருவடிகள் போற்றி

ஓம்

இராமலிங்கசுவாமிகள்

திருவடிகள் போற்றி

ஓம்

இராமதேவர்

திருவடிகள் போற்றி

ஓம்

இராமானந்தர்

திருவடிகள் போற்றி

ஓம்

உமாபதி சிவாச்சாரியார்

திருவடிகள் போற்றி

ஓம்

ஒளவையார்

திருவடிகள் போற்றி

ஓம்

கஞ்சமலைச்சித்தர்

திருவடிகள் போற்றி

ஓம்

கடைப்பிள்ளைச்சித்தர்

திருவடிகள் போற்றி

ஓம்

கடுவெளிச்சித்தர்

திருவடிகள் போற்றி

ஓம்

கண்ணானந்தர்

திருவடிகள் போற்றி

20

ஓம்

கண்ணிச்சித்தர்

திருவடிகள் போற்றி

ஓம்

கணநாதர்    

திருவடிகள் போற்றி

ஓம்

கணபதிதாசர்

திருவடிகள் போற்றி

ஓம்

கதம்பமகரிஷி

திருவடிகள் போற்றி

ஓம்

கபிலர்

திருவடிகள் போற்றி

ஓம்

கமலமுனிவர்

திருவடிகள் போற்றி

ஓம்

கருவூர்தேவர்

திருவடிகள் போற்றி

ஓம்

கல்லுளிச்சித்தர்

திருவடிகள் போற்றி

ஓம்

கலைக்கோட்டு முனிவர்

திருவடிகள் போற்றி

ஓம்

கவுபாலச்சித்தர்

திருவடிகள் போற்றி

30

ஓம்

கனராமர்

திருவடிகள் போற்றி

ஓம்

காகபுஜண்டர்

திருவடிகள் போற்றி

ஓம்

காசிபர்

திருவடிகள் போற்றி

ஓம்

காலாங்கிநாதர்

திருவடிகள் போற்றி

ஓம்

குகைநமச்சிவாயர்

திருவடிகள் போற்றி

ஓம்

குதம்பைச்சித்தர்

திருவடிகள் போற்றி

ஓம்

குமரகுருபரர்

திருவடிகள் போற்றி

ஓம்

குருதட்சணாமூர்த்தி

திருவடிகள் போற்றி

ஓம்

குருராஜர்

திருவடிகள் போற்றி

ஓம்

குறும்பைச்சித்தர்

திருவடிகள் போற்றி

40

ஓம்

கூர்மானந்தர்

திருவடிகள் போற்றி

ஓம்

கொங்கணேஸ்வரர்

திருவடிகள் போற்றி

ஓம்

கோரக்கர்   

திருவடிகள் போற்றி

ஓம்

கௌசிகர்

திருவடிகள் போற்றி

ஓம்

கௌதமர்

திருவடிகள் போற்றி

ஓம்

சங்கமுனிச் சித்தர்

திருவடிகள் போற்றி

ஓம்

சங்கர மகரிஷி

திருவடிகள் போற்றி

ஓம்

சங்கிலிச்சித்தர்

திருவடிகள் போற்றி

ஓம்

சச்சிதானந்தர்

திருவடிகள் போற்றி

ஓம்

சட்டநாதர்

திருவடிகள் போற்றி

50

ஓம்

சண்டிகேசர்

திருவடிகள் போற்றி

ஓம்

சத்யானந்தர்

திருவடிகள் போற்றி

ஓம்

சிவயோகமாமுனிவர்

திருவடிகள் போற்றி

ஓம்

சிவவாக்கியர்

திருவடிகள் போற்றி

ஓம்

சிவானந்தர்

திருவடிகள் போற்றி

ஓம்

சுகப்பிரம்மர்

திருவடிகள் போற்றி

ஓம்

சுந்தரானந்தர்

திருவடிகள் போற்றி

ஓம்

சுந்தரமூர்த்தி

திருவடிகள் போற்றி

ஓம்

சூதமுனிவர்

திருவடிகள் போற்றி

ஓம்

சூரியானந்தர்

திருவடிகள் போற்றி

60

ஓம்

சூலமுனிவர்

திருவடிகள் போற்றி

ஓம்

சேதுமுனிவர்

திருவடிகள் போற்றி

ஓம்

சொரூபானந்தர்

திருவடிகள் போற்றி

ஓம்

ஜம்பு மகரிஷி

திருவடிகள் போற்றி

ஓம்

ஜமதக்னி

திருவடிகள் போற்றி

ஓம்

ஜனகர்

திருவடிகள் போற்றி

ஓம்

ஜனந்தனர்

திருவடிகள் போற்றி

ஓம்

ஜனாதனர்

திருவடிகள் போற்றி

ஓம்

ஜனக்குமாரர்

திருவடிகள் போற்றி

ஓம்

ஜெகநாதர்

திருவடிகள் போற்றி

70

ஓம்

ஜெயமுனிவர்

திருவடிகள் போற்றி

ஓம்

ஞானச்சித்தர்

திருவடிகள் போற்றி

ஓம்

டமாரானந்தர்

திருவடிகள் போற்றி

ஓம்

தன்வந்திரி

திருவடிகள் போற்றி

ஓம்

தாயுமான சுவாமிகள்

திருவடிகள் போற்றி

ஓம்

தானந்தர்

திருவடிகள் போற்றி

ஓம்

திரிகோணச்சித்தர்

திருவடிகள் போற்றி

ஓம்

திருஞானசம்பந்தர்

திருவடிகள் போற்றி

ஓம்

திருநாவுக்கரசர்

திருவடிகள் போற்றி

ஓம்

திருமாளிகைத் தேவர்

திருவடிகள் போற்றி

80

ஓம்

திருமூலதேவர்

திருவடிகள் போற்றி

ஓம்

திருவள்ளுவர்

திருவடிகள் போற்றி

ஓம்

தூர்வாசமுனிவர்

திருவடிகள் போற்றி

ஓம்

தேரையர்

திருவடிகள் போற்றி

ஓம்

நந்தனார்

திருவடிகள் போற்றி

ஓம்

நந்தீஸ்வரர்

திருவடிகள் போற்றி

ஓம்

நாதாந்தச்சித்தர்

திருவடிகள் போற்றி

ஓம்

நாரதர்

திருவடிகள் போற்றி

ஓம்

நொண்டிச்சித்தர்

திருவடிகள் போற்றி

ஓம்

பட்டினத்தார்

திருவடிகள் போற்றி

90

ஓம்

பத்ரகிரியார்

திருவடிகள் போற்றி

ஓம்

பதஞ்சலியார்

திருவடிகள் போற்றி

ஓம்

பரத்துவாசர்

திருவடிகள் போற்றி

ஓம்

பரமானந்தர்

திருவடிகள் போற்றி

ஓம்

பராசரிஷி

திருவடிகள் போற்றி

ஓம்

பாம்பாட்டிச்சித்தர்

திருவடிகள் போற்றி

ஓம்

பிங்களமுனிவர்

திருவடிகள் போற்றி

ஓம்

பிடிநாகீசர்

திருவடிகள் போற்றி

ஓம்

பிருகுமகரிஷி

திருவடிகள் போற்றி

ஓம்

பிரும்மமுனிவர்

திருவடிகள் போற்றி

100

ஓம்

பீர்முகமது

திருவடிகள் போற்றி

ஓம்

புண்ணாக்கீசர்

திருவடிகள் போற்றி

ஓம்

புலத்தீசர்

திருவடிகள் போற்றி

ஓம்

புலிப்பாணிச்சித்தர்

திருவடிகள் போற்றி

ஓம்

பூனைக்கண்ணார்

திருவடிகள் போற்றி

ஓம்

போகமகாரிஷி

திருவடிகள் போற்றி

ஓம்

மச்சமுனிவர்

திருவடிகள் போற்றி

ஓம்

மஸ்தான்

திருவடிகள் போற்றி

ஓம்

மயூரேசர்

திருவடிகள் போற்றி

ஓம்

மாணிக்கவாசகர்

திருவடிகள் போற்றி

110

ஓம்

மார்க்கண்டேயர்

திருவடிகள் போற்றி

ஓம்

மாலாங்கன்

திருவடிகள் போற்றி

ஓம்

மிருகண்டரிஷி

திருவடிகள் போற்றி

ஓம்

முத்தானந்தர்

திருவடிகள் போற்றி

ஓம்

மெய்கண்டதேவர்

திருவடிகள் போற்றி

ஓம்

மௌனச்சித்தர்

திருவடிகள் போற்றி

ஓம்

யாகோபு

திருவடிகள் போற்றி

ஓம்

யூகிமுனிவர்

திருவடிகள் போற்றி

ஓம்

யோகச்சித்தர்

திருவடிகள் போற்றி

ஓம்

யோகானந்தர்

திருவடிகள் போற்றி

ஓம்

ரோமரிஷி

திருவடிகள் போற்றி

121

ஓம்

வசிஷ்டமகரிஷி

திருவடிகள் போற்றி

ஓம்

வரதரிஷி

திருவடிகள் போற்றி

ஓம்

வரரிஷி

திருவடிகள் போற்றி

ஓம்

வராகிமிகி

திருவடிகள் போற்றி

ஓம்

வால்மீகி

திருவடிகள் போற்றி

ஓம்

விசுவாமித்திரர்

திருவடிகள் போற்றி

ஓம்

வியாக்ரமர்

திருவடிகள் போற்றி

ஓம்

வியாசமுனிவர்

திருவடிகள் போற்றி

ஓம்

விளையாட்டுச்சித்தர்

திருவடிகள் போற்றி

ஓம்

வேதாந்தச்சித்தர்

திருவடிகள் போற்றி

131

ஓம்

எண்ணிலா கோடி சித்தரிஷி கணங்கள்

திருவடிகள் போற்றி போற்றி

 

 

 

நிறைவுப்பாடல்

 

வாழ்கவே வாழ்கஎன் நந்தி திருவடி

வாழ்கவே வாழ்க மலமறுத் தான்பதம்

வாழ்கவே வாழ்கமெய்ஞ் ஞானத் தவன்தாள்

வாழ்கவே வாழ்க மலமிலான் பாதமே.

திருமந்திரம் 3047

 

                மேற்கண்ட 131 சித்தர்கள்மகான்களின் திருவடிகளை தினசரி காலையும் மாலையும் போற்றி பூஜை செய்வதே சிறப்பறிவாகும். சிறப்பறிவு பெற்றவர்களுக்கு குடும்ப ஒற்றுமைபுத்திர பாக்கியம்உடல் ஆரோக்கியம் போன்ற நல்வினைகள் பெருகிமது அருந்துதல்புலால் உண்ணுதல்சூதாடுதல் போன்ற தீவினைகள் நீங்கிவிடும். மேலும்மாதம் ஒருவருக்கோ அல்லது இருவருக்கோ பசித்த ஏழைகளுக்கு பசியாற்றியும் வந்தால்பாவம் புண்ணியம் பற்றி உணர்ந்து புண்ணியம் பெருகி ஞானியாவார்கள் என்பது சத்தியம்.

 

ஓங்காரக்குடில் ஆசான் ஆசி!

ஓங்காரக்குடிலில் நடைபெறும்அன்னதானம் மற்றும் அறப்பணிகளுக்காக, தமிழகமெங்கும் ஸ்ரீ அகத்தியர் சன்மார்க்க சங்கம் சார்பாக திருவாளர்கள் K.S.கைலாசம், பத்மநாபன், சுபாஸ், ராமமூர்த்தி, ரெங்கநாதன், திருமுகம் மற்றும் திருவண்ணாமலை, பாண்டிச்சேரி, கோவை, பொள்ளாச்சி, செங்கல்பட்டு,வேதாரண்யம், விருதுநகர், மண்ணச்சநல்லூர், திருச்சி அன்பர்கள் நமதுஞானத்திருவடி மாத இதழை தினசரி பொதுமக்களுக்கு வினியோகம்செய்கிறார்கள்.



ஞானத்திருவடிநூலை பொதுமக்களுக்கு கொண்டு சேர்க்கும் அன்பர்களுக்கும், அவர்கள் குடும்பத்தாருக்கும் எல்லாம் வல்ல ஞானிகள் அருள் கிட்டி எல்லா நன்மைகளும் அடைவார்கள். மேலும் உடல் ஆரோக்கியமும், நீடிய ஆயுளும், எல்லா நலமும் வளமும் பெறுவார்கள். மேலும் ஞானமும் சித்திக்கும் என்று ஓங்காரக்குடில் ஆசான் ஆசி வழங்கியுள்ளார்கள்.

 

திருச்சி மாவட்டம், துறையூர், ஓங்காரக்குடிலாசான்,

முருகப்பெருமானின் கல்கி அவதாரம்

தவத்திரு ஆறுமுக அரங்கமகா தேசிக சுவாமிகள் அவர்கள்

தஞ்சாவூர், அருள்மிகு பிரகதீஸ்வரர் பெரிய கோவிலில் அமைந்துள்ள

மகான் கருவூர் முனிவர் சன்னதியில்

கருவூர் முனிவரின் கருணை

என்ற தலைப்பில் 14.04.1999 அன்று அருளிய

அருளுரை

 

ஓம் அகத்தீசாய நம      ஓம் அகத்தீசாய நம

ஓம் அகத்தீசாய நம      ஓம் அகத்தீசாய நம

ஓம் அகத்தீசாய நம      ஓம் அகத்தீசாய நம

ஓம் அகத்தீசாய நம      ஓம் அகத்தீசாய நம

ஓம் அகத்தீசாய நம      ஓம் அகத்தீசாய நம

ஓம் அகத்தீசாய நம      ஓம் அகத்தீசாய நம

 

அன்புள்ள சன்மார்க்க சங்க உறுப்பினர்களே உங்கள் அனைவருக்கும் வணக்கம்.

ஆசான் அகத்தீசர், ஆசான் நந்தீசர் போன்ற ஞானிகளின் வரிசையில் வந்தவர்தான் மகான் கருவூர் முனிவர். நான் மகான் கருவூர் முனிவரை வணங்கியவன்அடியேனுக்கு ஞானம் சித்திக்க வேண்டும். நீர்தானப்பா அருள் செய்ய வேண்டும். நான் கல்லாத மூடன், பாவிக்குத் தலைவன். நீங்களெல்லாம் பெரியவர்கள், புண்ணியவான்கள். என்மீது கருணை கொண்டு என்னை ஏற்று அருள் செய்ய வேண்டும்என்று கேட்கக்கூடிய கல்வியை மகான் கருவூர்முனிவர் எனக்கு தந்தார்.

 

என்னையும் ஒரு பொருட்டாக மதித்து, அருள் செய்து நீர் என்னை ரட்சிக்க வேண்டும்என்று கேட்கின்ற கல்வியைப் பெற்றிருக்கிறேன்.

இப்படி யாரேனும் கேட்பானா? தலைவனை யாருக்கும் தெரியாது, தலைவனை எப்படி வணங்க வேண்டுமென்றும் தெரியாது. அப்படி தெரிந்தால் அதுவே புண்ணியம்.

 

மகான் கருவூர்தேவர், மகான் திருமூலர் போன்ற பெரிய மகான்களை வணங்கி அவர்களின் ஆசியைப் பெற்றுக் கொள்ள வேண்டும். மகான் கருவூர் முனிவர், மகான் காலாங்கிநாதர், மகான் போகர் போன்ற ஞானிகளெல்லாம் வாசி வசப்பட்டவர்கள், மூச்சுக்காற்று வசப்பட்ட மக்கள். இந்த வரிசையில் வந்தவர்தான் மகான் திருமூலர்.

 

அடியேனுக்கு ஞானம் சித்திக்க வேண்டுமென்று ஞானிகளிடம் கேட்க வேண்டும். ஞானம் என்றால் ஆன்மாவைப் பற்றி அறிவது. ஆன்மா என்பது, மூச்சுக்காற்ற்றின் அசைவு. மூச்சுக்காற்று ஒரு நாளைக்கு 21,600 முறை வந்து போகிறது. இப்படி 21,600 முறை வந்து போகின்ற மூச்சுக்காற்றை பிராணாயாமம் செய்கிறார்கள். நாங்கள் பிராணாயாமம் செய்திருக்கிறோம். இரண்டு ஆண்டு வாசிப்பழக்கம் செய்திருக்கிறோம்.

 

வாசிப் பழக்க மறியவே ணுமற்று

மண்டல வீடுகள் கட்டவேணும்

நாசி வழிக்கொண்டு யோகமும் வாசியும்

நாட்டத்தைப் பாரடி வாலைப்பெண்ணே

மகான் கொங்கணர் – வாலைக்கும்மி – கவி எண் 27.

 

கட்டாத காளையைக் கட்டவே ணுமாசை

வெட்டவே ணும்வாசி யொட்டவேணும்

எட்டாத கொம்பை வளைக்கவே ணுங்காய

மென்றைக்கி ருக்குமோ வாலைப்பெண்ணே!

– மகான் கொங்கணர் – வாலைக்கும்மி – கவி எண் 42-

 

மகான் கருவூர்தேவர், மகான் போகமகாரிஷி, மகான் மாணிக்கவாசகர், மகான் தாயுமானவசுவாமிகள் இவர்களுடைய ஆசியுடன் மூச்சுக்காற்றோடு தொடர்பு கொள்ள வேண்டும். இது போன்ற ஞானிகளை வணங்கி, வாசிப்பயிற்சியைப் பற்றி தெரிந்து கொள்ள வேண்டும். நாமாக வாசிப்பயிற்சி செய்ய முடியாது . ஆசானை வணங்க வேண்டும். மகான் கருவூர்முனிவரையும், ஆசான் சுப்பிரமணியரையும் வணங்கி, “அடியேனுக்கு ஞானம் சித்திக்க வேண்டும்என்று கேட்க வேண்டும். இப்படி ஞானம் சித்திக்க வேண்டுமென்று கேட்டு கேட்டுத்தான் வாசி வசப்பட வேண்டும்.

 

வாசி வசப்பட்டால்தான் அந்தக் காற்று புருவமத்தியில் ஒடுங்கி, மூ லாதாரத்தில் கலந்துவிடும். புருவமத்தியில் ஒடுங்கி, விணாத்தண்டு வழியாக வந்து, மூலாதாரத்தில் தங்கிக் கொள்ளும். அப்படி தங்குகின்ற காற்று ஊத்தை தேகத்தை நீக்கும். தொன்மையாக, பல லட்சம் கோடி ஜென்மங்களாக, நம்மை நரகத்தில் தள்ளிய இந்த தேகம் நீங்கி, ஞானதேகம் உண்டாகும். வாசி வசப்படவில்லையென்றால் அவன் என்ன கற்றாலும், அது பயனற்றதாகப் போய்விடும்.

 

நாங்கள் ஆசானை வணங்கி, பிராணாயாமம் செய்தோம். பத்மாசனம் இட்டு, விணாத்தண்டு நிமிர்ந்திருந்து, மூச்சுக்காற்றை இழுத்தோம். மூச்சுக்காற்றை இழுத்து வெளிக்காற்றை புருவமத்தியில் நிறுத்தி, கண்டஸ்தானத்தில் ஒடுங்குகின்ற காற்றாகிய உகாரத்தையும், புருவமத்தியில் ஒடுங்குகின்ற காற்றாகிய அகாரத்தையும் சேர்ப்போம். இந்த இரண்டு காற்றையும் சேர்ப்போம்.

 

இடக்கை வலக்கை இரண்டையும் மாற்றித்

துதிக்கையால் உண்பார்க்குச் சோரவும் வேண்டாம்

உறக்கத்தை நீக்கி உணரவல் லார்கட்

கிறக்கவும் வேண்டாம் இருக்கலு மாமே.

திருமந்திரம் – கேசரி யோகம் – கவி எண் 801.

துதிக்கை என்பது புருவமத்தி.

ஏற்றி இறக்கி இருகாலும் பூரிக்குங்

காற்றைப் பிடிக்குங் கணக்கறி வாரில்லை

காற்றைப் பிடிக்குங் கணக்கறி வாளர்க்குக்

கூற்றை யுதைக்குங் குறியது வாமே.

திருமந்திரம் – பிராணாயாமம் – கவி எண் 571.

 

கூற்று என்பது எமன். நமக்கு கபம்தான் எமன். கபம் மட்டும் எமன் அல்ல. இந்த உடம்பே எமன். எமனை ஞானிகள் தான் வெல்ல முடியும். வாசி வசப்பட்ட மக்களுக்கு கபம் அற்றுப்போகும். வாசி வசப்பட்ட மக்களுக்கு அசுத்த தேகம் நீங்கும். அசுத்த தேகம் நீங்க, ஆசானுடைய தயவு வேண்டும். தினம் பக்தி செலுத்துகிறோம். பக்தி செலுத்த செலுத்த கபம் அற்றுப்போகும்.

 

பூசிக்கப் பூசிக்கப் போட்டக் குளிகையாம்

பூசிக்கப் பூசிக்கப் பொன்மலையாகும்

பூசிக்கப் பூசிக்கப் புகட்டுவாள் ஞானம்

பூசிக்கப் பூசிக்கப் புருவமையம் காணுமே.

திருமந்திரம்.

 

சாய்க்கச் சாய்க்கச் சரித்திடுங் கோழையும்

வாய்க்க வாய்க்க வழலையு மற்றது

தேய்க்கத் தேய்க்கச் செனித்திடுஞ் சேத்துமந்

தோய்க்கத் தோய்க்கச் சுழிமுனை காணுமே.

மகான் திருவள்ளுவர் – ஞானவெட்டியான் – கவி எண் 1270.

 

இவ்வாறு அசுத்த தேகம் நீங்கியவர்கள் தான் தெளிவடைய முடியும். இந்த தேகத்தை வைத்துக் கொண்டு தெளிவடைய முடியாது. இதை முதலில் புரிந்து கொள்ள வேண்டும். தலைவன் ஆசியிருந்தால்தான் இந்த அறிவு வரும். தலைவன் ஆசி இல்லாவிடில் முடியாது. அளவில்லா பக்தி செலுத்துவான், கோவிலில் உருக்கமாக அழுது கண்ணீரோடு பக்தி செலுத்துவான், நிறைய மலர்களைத் தூவுவான், பாலாபிஷேகம், தேனாபிஷேகம் செய்வான். பக்தி செலுத்துகிறான் அவ்வளவுதான். இவனுக்கு நாங்கள் ஒன்றும் செய்ய முடியாது. ஆனால், மகான் திருமூலர் இதை சொல்வார்,

 

கானுறு கோடி கடிகமழ் சந்தனம்

வானுறு மாமல ரிட்டு வணங்கினும்

ஊனினை நீக்கி உணர்பவர்க் கல்லது

தேனமர் பூங்கழல் சேரவொண் ணாதே.

திருமந்திரம் – கிரியை – கவி எண் 1452

கான் என்பது காடு, கானகம். கானகத்தில் உள்ள சந்தனம் போன்ற பல வாசனைத் திரவியங்கள்.

 

கானுறு கோடி கடிகமழ் சந்தனம்

மிக்க நறுமணம் உள்ள சந்தனங்களும், அகில் கட்டைகளும் இன்னும் அநேக வகை வாசனை திரவியங்களையும்,

வானுறு மாமல ரிட்டு வணங்கினும்

மலை போன்று மலர்களை குவித்த போதிலும், அப்படி வாசனை திரவியங்களை கோடிக்கணக்கில் சேர்த்தாலும், மலை போன்று மலர்களைத் தூவி வணங்கினாலும்,

ஊனினை நீக்கி உணர்பவர்க் கல்லது

தேனமர் பூங்கழல் சேரவொண் ணாதே.

ஆக வாசி வசப்பட வேண்டும். ஆசான் திருமூலதேவர் இதை சொல்லும்போது,

 

ஏற்றி இறக்கி இருகாலும் பூரிக்குங்

காற்றைப் பிடிக்குங் கணக்கறி வாரில்லை

காற்றைப் பிடிக்குங் கணக்கறி வாளர்க்குக்

கூற்றை யுதைக்குங் குறியது வாமே.

திருமந்திரம் – பிராணாயாமம் – கவி எண் 571.

 

வயிற்றில் உணவு இருக்கக்கூடாது. உணவை முறையோடு சாப்பிட வேண்டும். பாசிப்பயறு, பச்சரிசி, பழங்கள் இவைதான் சேர்க்க வேண்டும். வயிற்றில் உணவில்லாதபோது, பத்மாசனம் இட்டு மூச்சுக்காற்றை இழுத்து நிறுத்தினால், காற்று இரண்டு பக்கமும் வரும்.

 

ஏற்றி இறக்கி இருகாலும் பூரிக்குங்

காற்றைப் பிடிக்குங் கணக்கறி வாரில்லை என்பார்.

கால் என்றால் சுவாசம். அந்தக் காற்றை புருவமத்தியில் செலுத்த வேண்டும்.

 

இடக்கை வலக்கை இரண்டையும் மாற்றி

என்று சொன்னார். கண்டஸ்தானத்தில் விட்டால், இந்தக் காற்று இந்த பக்கமும், அந்த பக்கமும் போகும்.

 

பெட்டியிலே அடைத்துவைத்த பாம்புதன்னைப்

பிடித்தாட்டத் தெரியாமல் புலம்புவார்கள்

எட்டிலே இரண்டு வைத்து ஆட்டினாக்கால்

இருபுறமு மாடிவர எதிரேயேறுங்

கட்டிற்குள் நில்லாது சிரசிலேறுங்

கடைவாசல் சுழிமுனையில் கட்டும் வாசி

சுட்டியின் கீழ் திருவாடு துறையைப் பார்க்கில்

சூரியனும் சந்திரனும் தோற்றமாமே.

மகான் அகத்தியர் துறையறி விளக்கம் – கவி எண் 86.

 

இவ்வளவு பெரிய மர்மமா என்றால், ஒன்றும் மர்மம் இல்லை. இரண்டு பக்கம் வருகின்ற காற்றை புருவமத்தியில் செலுத்துவது என்பது சின்ன விசயமல்ல.

வாசி நடத்தித் தருவாண்டி – ஒரு

வாசியில் இங்கே வருவாண்டி

ஆசில் கருணை உருவாண்டி – அவன்

அற்புதத் தாள்மலர் ஏத்துங்கடி.

திருஅருட்பா ஐந்தாம் திருமுறை – சண்முகர் கொம்மி – 2987.

மகான் இராமலிங்கசுவாமிகள் வெறும் பக்தர் என்று நினைக்காதீர்கள். அவர் மிகப்பெரிய ஞானி. உடம்பைப் பற்றி அறிபவர்கள் தான் ஞானியாக முடியும்.

 

இந்த தேகம் காமதேகம், பரிணாம வளர்ச்சிக்கு உட்பட்ட தேகம். இதுதான் உடம்பின் தன்மை. இப்படிப்பட்ட தன்மையில்தான் இந்த தேகம் இருக்கிறது. இந்த தேகத்தைப் பற்றி புரிந்து கொண்டவர்கள் தான் ஞானிகள். ஆசானுடைய ஆசியைப் பெற்றதால் வாசி வசப்பட்டது.

 

நீங்களெல்லாம் பெரியவங்க ஐயா! உங்களால் எதுவும் செய்ய முடியும். என்னுடைய பாவமோ, உன்னுடைய திருவடியைப் பற்ற முடியாமல் என்னைத் தடுக்கிறது, நீங்களெல்லாம் பெரியவங்கதான். மிகப்பெரியவல்லமையுள்ளவர்கள்தான், கருணையே வடிவான மக்கள் தான், உங்களுடைய திருவடியைப் பற்ற என்னால் முடியவில்லை ஐயா! நீர்தான் எனக்கு அருள் செய்ய வேண்டும்என்று ஆசான் கருவூர்முனிவரையும், மகான் திருமூலதேவரையும் வணங்கி கேட்க வேண்டும்.

 

இந்த வேண்டுகோள் உயர்ந்த வேண்டுகோள். ஆகவே யாரை வணங்க வேண்டும்? என்ன கேட்க வேண்டும்? என்பது எங்களுக்குத் தெரியும். இது தலைவன் ஆசி. ஆசான் திருமூலரையும், மகான் கருவூர்முனிவரையும், மகான் போகமகாரிஷியையும், மகான் காலாங்கிநாதரையும் கேட்டோம். ஞானிகள் எங்களுக்கு மனம் இரங்கி, வாசியை நடத்திக் கொடுத்தார்கள். அதனால் எங்களுக்கு வாசி வசப்பட்டது. அதிலிருந்து எங்களுக்கு தெளிவு வந்தது. இல்லையென்றால் என்னதான் பாடுபட்டாலும், எமன் வருவானே என்ன செய்வது?

 

சிலபேர் செந்தூரம், பஸ்பம், கடைச்சரக்கு, சம்பைச்சரக்கு போன்ற மருந்துகளை சாப்பிட்டால் நமக்கு சாவு வராது என்று நினைத்துக் கொண்டிருப்பான். எமன் அவனை பிடரியில் அடித்து தூக்கிக் கொண்டு போவான். யாரையாவது கேட்டாயா? உன் விருப்பத்துக்கு மருந்து சாப்பிடுகிறாய். நீ என்ன மருந்து சாப்பிட்டாலும் அது மலமாகப் போய் விடும். இது மார்க்கமல்ல. அப்படி அவன் மேல் குற்றமில்லை. இன்று கேட்டுத் தெரிந்து கொள்ள வேண்டும். யாரையாவது கேட்டானா என்றால் அதுவும் இல்லை.

இவன் சாப்பிடுகிற மருந்தெல்லாம் எமனை அசைக்க முடியாது, எமன் அடித்துக் கொண்டு போய்விடுவான்.

 

உனக்கு என்ன வேண்டும் என்றான். சாவாமல் இருக்க வழி வேண்டும். நீ ஞானிகளை வணங்கிஅடியேனுக்கு ஞானம் சித்திக்க வேண்டும், அடியேனுக்கு வாசி வசப்பட வேண்டும், உன் திருவடியைப் பற்ற எனக்கு வாய்ப்பு தர வேண்டும், அடியேன் உண்மையை உணர வேண்டும். அதற்குரிய அறிவும் பரிபக்குவமும் வேண்டும். என்னை ரட்சிக்க வேண்டும்என்று கேட்க வேண்டும். இப்படி கேட்டால் அருள் செய்வார்கள். இல்லையென்றால் மருந்து சாப்பிட்டுக் கொண்டு சில மூலிகைகளை சாப்பிட்டுக் கொண்டுநாம் சாக மாட்டோம். சாக மாட்டோம்என்று நினைத்துக் கொண்டே இருப்பான். எமன் வந்து அடித்துக் கொண்டுபோய் விடுவான்.

இந்த உடம்பு பலகீனமான உடம்பு, காம தேகம். ஞானிகள் ஆசியால் அந்த தேகத்தை நீக்க வேண்டும்.

 

ஊனினை நீக்கி உணர்பவர்க் கல்லது

தேனமர் பூங்கழல் சேரவொண் ணாதே.

இந்த உடம்பைப் பற்றி புரிந்து அதனுடைய அசுத்தத்தை புரிந்து கொள்ள வேண்டும்.

 

ஊத்தை சடலமென் றெண்ணா தேயிதை

உப்பிட்ட பாண்டமென் றெண்ணாதே

பார்த்த பேருக்கே ஊத்தையில் லையிதைப்

பார்த்துக்கொள் உன்ற னுடலுக்குள்ளே .

மகான் கொங்கணர் – வாலைக்கும்மி – கவி எண் 23.

 

என்று பெரியவர்கள் சொல்வார்கள். இந்த உடம்பு ஊத்தை உடம்பு என்று நினைக்காதே. இந்த உடம்பை ஆராய்ந்து பார்த்தவர்களுக்கு இந்த தேகம் அற்புத தேகம்.

 

பரிணாம வளர்ச்சியில் இருந்து விடுபடுதல். காமத்திலிருந்து விடுபடுதல் ஆகிய இந்த அமைப்பைத் தெரிந்தவர்களுக்கு இது அற்புதமான தேகம். மகான் பட்டினத்தார் சொன்னது போல்,

 

அற்புதமா யிந்தவுட லாவி யடங்குமுன்னே

சற்குருவைப் போற்றித் தவம்பெற்று வாழாமல்

உற்பத்தி செம்பொன் உடைமைபெரு வாழ்வைநம்பிச்

சர்ப்பத்தின் வாயிற் றவளைபோ லானேனே.

மகான் பட்டினத்தார் – நெஞ்சொடு புலம்பல் – கவி எண் 12.

 

அற்புதமாய் இந்த உடல் யாருக்கு? மகான் கருவூர்முனிவரையும், மகான் அகத்தீசரையும், மகான் திருமூலதேவரையும், மகான் மாணிக்கவாசகரையும், மகான் இராமலிங்க சுவாமிகளையும், மகான் அருணகிரிநாதரையும், மகான் பட்டினத்தாரையும் பூஜை செய்கின்ற மக்களுக்கு இது அற்புதமான உடம்பு. இல்லையென்று சொன்னால், இந்த தேகம் உன்னை வாட்டி வதைத்து விடும். உன்னை அணு அணுவாக இந்த உடம்பு சாகடித்து விடும்.

 

யாரோ நமக்கு எமன் இல்லை. இந்த உடம்புதான் எமன். உன்னுடனே பிறந்து, உன்னை வஞ்சித்து, உன்னை நரகத்திற்கு தள்ளக் கூடியது இந்த உடம்பு. காலன் அல்லது எமன் என்று இந்த உடம்பை சொல்வார்கள்.

என் திருவடியைப் பற்றடா மனிதா! நீ மனிதனாக வேண்டுமானால் என் திருவடியைப் பற்று!என்பார் ஆசான்.

 

மகான் பட்டினத்தார் அவர்களே! முதுபெரும் ஞானியே! எத்தனையோ பாவிகள் உங்களது திருவடியைப் பற்றி ஆசி பெற்றிருக்கிறார்கள். என்னையும் ஒரு பொருட்டாக மதித்து என்னையும் ஏற்று அருள் செய்யுங்கள்என்று மகான் பட்டினத்தார் திருவடியைப் பற்றினால், அற்புதமா யிந்தவுட லாவி யடங்குமுன்னே என்று அவர் சொல்வார்.

 

நீங்களெல்லாம் பெரியவங்க ஐயா! என்னையும் ஒரு பொருட்டாக மதித்து என்னை ரட்சிக்க வேண்டும், அடியேன் மனமாயை அற்றிட வேண்டும், அடியேன் வஞ்சனை அற்று வாழ வேண்டும், உன் ஆசியை நான் பெற்றுக் கொள்ள வேண்டும், என்னை ரட்சிக்க வேண்டும்என்று கேட்பவனுக்குத்தான் அற்புதமா யிந்தவுட லாவி யடங்குமுன்னே என்று ஆசான் சொல்வார்.

 

சற்குருவைப் போற்றித் தவம்பெற்று வாழாமல்

உற்பத்தி செம்பொன் உடைமைபெரு வாழ்வைநம்பிச்

சர்ப்பத்தின் வாயிற் றவளைபோ லானேனே.

இப்படி சொன்னது மகான் பட்டினத்தார். அவர் மிகப்பெரிய ஞானி .

அற்பத்தனமான உடம்பு, மிகக் கேவலமான உடம்பு, மிகக் கேவலமான உடம்பு, மிகக்கேவலமான உடம்பு. இதற்கு வழியே இல்லையா? பெரியவங்க ஆசி இருக்கிறது.

 

நாம் இது நாள் வரை மரத்திற்கு மஞ்சள் பொட்டு வைத்து சாமி கும்பிட்டு கொண்டிருக்கிறோம். அப்படிக் கும்பிட்டுக் கொண்டிருந்தால் முடியுமா? அரச மரத்தையும், வேப்ப மரத்தையும் சுற்றி சுற்றி வந்தால் முடியுமா?

 

அரசு என்பது சூரிய கலை, வேம்பு என்பது சந்திர கலை. இரண்டையும் ஒன்று சேர்க்க வேண்டும். அப்படியாவது மக்கள் புரிந்து கொள்ளட்டும். அப்படியாவது மக்கள் புரிந்து கொண்டு வரட்டும் என்று வைத்திருக்கிறார்கள்.

 

அற்பமான உடம்பே, அற்புதமான உடம்பு. யாருக்கு என்றால், ஞானிகளை வணங்கியவர்களுக்கு. பெரியோர்களை வணங்கியவர்களுக்கு.

எப்படி வணங்க வேண்டுமென்பதை ஆசான் வள்ளுவப்பெருமான் சொல்வார்,

 

வேண்டுங்கால் வேண்டும் பிறவாமை; மற்றுஅது

வேண்டாமை வேண்ட வரும்.

திருக்குறள் – அவா அறுத்தல் – குறள் எண் 362.

 

ஒரு மனிதன் விரும்பினால் இனி பிறக்கக்கூடாது என்றார். இதற்கு ஒன்றையும் விரும்பாதிருக்க வேண்டும் என்று சொன்னார்.

 

அற்புதமா யிந்தவுட லாவி யடங்குமுன்னே ஒரு மனிதன் சாவதற்கு முன்னே ஞானியை வணங்க வேண்டும். ஞானிகளிடம், “என்னிடமுள்ள பலகீனங்களை அறிந்து கொள்ள வேண்டும்என்று கேட்க வேண்டும். பிறரை மதிக்காத பலகீனங்களைப் பற்றி நான் அறிய வேண்டுமென்று ஆசானிடம் கேட்க வேண்டும்.

 

பெருந்தனக்காரர்களின் குடும்பத்தில் பிறந்தவர்கள், அம்மை கண்டு இறந்திருப்பார்கள். அப்படி அம்மை கண்டு இறந்தவர்களை, பதிவு செய்வார்கள். அங்கே சின்ன மண்டபம் கட்டி, அதற்கு கும்பாபிஷேகம் செய்வார்கள். முன்னூறு நானூறு வருடத்திற்குப் பிறகு பிரம்மாண்டமான கோவிலாக இருக்கும். இப்படி சிறு தெய்வத்தை வணங்குவார்கள். அது என்னவென்று எங்களுக்குத் தெரியும். நாங்கள் சொல்ல மாட்டோம். எங்களுக்கு இதுதான் வேலையா? அவன் கும்பிடுகிறான், கும்பிட்டுப் போகிறான். இப்படி இருந்தாலும் மகான் இராமலிங்க சுவாமிகள் சொன்னது போல,

 

எவ்வண்ணம் வேண்டுகினு மவ்வண்ண

மன்றே யிரங்கியீந் தருளும்பதம்

என்போன்ற வர்க்குமிகு பொன்போன்ற

கருணைதந் திதயத் திருக்கும்பதம்.

மகான் இராமலிங்க சுவாமிகள் – திருவடிப்புகழ்ச்சி.

 

என் போன்ற வர்க்குமிகு பொன் போன்ற கருணை – அவர்களுக்கு எவ்வண்ணம் வேண்டினும் அருள் செய்வார்கள். ஆனால் சற்குருவை வணங்க வேண்டும். நாங்கள் யாரை வணங்க வேண்டுமென்று சுட்டிக்காட்டுவோம். நாங்கள் தான் சுட்டிக் காட்ட வேண்டும்.

 

மகான் இராமலிங்க சுவாமிகள் பெரிய மகான், மிகப்பெரிய யோகி, அவரை வணங்கி ஆசி பெற்றுக் கொள், மகான் திருமூலதேவரை, மகான் அகத்தீசரை, மகான் கருவூர்முனிவரை வணங்கி ஆசிபெற்றுக் கொள் என்று நாங்கள் சொல்கிறோம். இப்படி சொன்னவரெல்லாம் சற்குரு. எவன் ஒருவன் மரணமிலாப்பெருவாழ்வு பெற்றானோ, காமதேகத்தை வீழ்த்தி வெற்றி பெற்றானோ, அவன்தான் சற்குரு . அவனை வணங்க வேண்டும். சற்குருவைப் போற்றித் தவம்பெற்று வாழ வேண்டும்.

 

நாங்கள் சொல்லித் தருகிறோம், பூஜை செய்கிறோம். நாங்கள் அன்பர்களுக்கு சொல்லுவோம். இப்படி ஆசானை வணங்க வேண்டும். மகான் திருமூலதேவரை வணங்க வேண்டும். மகான் இராமலிங்க சுவாமிகளை வணங்க வேண்டும்.

இதற்கு ஆதாரம் இருக்கிறதா? என்று கேட்பார்கள். நான் ஆதாரம் சொல்கிறேனென்று மகான் சட்டமுனி சொல்வார். மிகப்பெரிய ஞானி மகான் சட்டமுனிவர். அவர் சொல்வார்,

 

போடுவது திலதமடா மூலர் மைந்தர்

போகர் கருவூராரைத் தியானம் பண்ணு

நாடுநகர தனிலுள்ள ஜீவசெந்து

நாதாக்கள் சித்தருக்கும் தோணாதையா

ஏடுதனில் எழுதினதோர் பாடல் என்று

எண்ணாதே ஒருநாளும் தப்போ இல்லை

தேடினபேர் பொருள்கோடி தனமீந்தாலும்

செப்பாதே இக்கருவை (ரகசியத்தை) உலகத்தோர்க்கே.

மகான் சட்டைமுனிநாதர் – கவி எண் 10.

 

போடுவது திலதமடா மூலர் மைந்தர் – மூலர் என்றால் மகான் திருமூலதேவர். மைந்தர் என்றால் மகான் காலாங்கிநாதர். மிகப்பெரிய வல்லமை உள்ள ஆசான் சட்டமுனிவர். விபூதி எடுத்து நெற்றியில் வைக்கும்போது, “மகான் திருமூலதேவா, மகான் காலாங்கிநாதா, மகான் போகமகாரிஷி, மகான் கருவூர்தேவா என்னை நீங்களெல்லாம் ரட்சிக்க வேண்டும்என்று கேள் என்பார்.

 

திலதம் என்றால் பொட்டு. நெற்றியில் விபூதி வைத்துக் கொள்ளும்போது, மகான் திருமூலர், மகான் காலாங்கிநாதர், மகான் போகமகாரிஷி, மகான் கருவூராரை தியானம் பண்ணு என்றார். இந்த நான்கு மகான்களை வணங்கினால் போதும். நான்கு மகான்களும் மலையைப் பொடியாக்குவார்கள். இப்படி இருக்கும்போது, குறுக்கே மலை இடறினால், அதை ஒரு அழுத்து அழுத்துவார்கள். அந்த மலை அப்படியே உள்ளே போய் விடும். அவர்கள் எதை வேண்டுமானாலும் செய்வார்கள். அதற்கெல்லாம் கணக்கில்லை. எதை வேண்டுமானாலும் செய்வார்கள். கணக்கே கிடையாது.

 

நான்கு மகான்கள், மகான் திருமூலர், மகான் காலாங்கிநாதர், மகான் போகர், மகான் கருவூர்முனிவர் மிகப்பெரியவர்கள்.

போடுவது திலதமடா மூலர் மைந்தர்

போகர் கருவூராரைத் தியானம் பண்ணு

நாடுநகர தனிலுள்ள ஜீவசெந்து

நாதாக்கள் சித்தருக்கும் தோணாதையா

என்னய்யா, இவ்வளவு பெரிய கல்வி அறிவுள்ளவனாக இருக்கிறான், மூச்சுக்கு முன்னூறு கவி பாடுகிறான், பெரிய பெரிய பட்டம் வாங்கியிருக்கிறான் என்று சொன்னால். அவன் சிரித்தான்,

 

நாடுநகர தனிலுள்ள ஜீவசெந்து

நாதாக்கள் சித்தருக்கும் தோணாதையா

எவ்வளவோ பெரிய கல்வியாளனாக இருக்கலாம். அவனுக்குத் தெரியாது. அவர்களுக்கு எட்டாது இது. நாதாக்கள் சித்தருக்கும் தோணாதையா. ஏன்? அவன் செய்த பாவம். கல்வி கற்றதும் மற்றவனை அவன் மதிக்கமாட்டான்.

 

அவரிடம் ஏதோ இருக்கலாம். அவரிடம் உண்மையை தெரிந்து கொள்வோம் என்று நினைக்க மாட்டான். எல்லாம் தெரியுமென்ற திமிர். அது அவன் திமிர் இல்லை. பட்டம் பெற்றவுடன் இந்த திமிர் வந்து விடும். ஏனய்யா இவ்வளவு திமிர் வந்தது என்று கேட்டான். அவன் பாவி.

 

உலகத்தில் இந்த அளவிற்கு புண்ணியவான் இருப்பானா? யாரேனும் இருந்தால் கேட்டுக் கொள்வோம்என்று நினைப்பவன் புண்ணியவான். அப்படி நினைப்பவன் கல்வி கற்றவன். ஆகவே,

 

நாடுநகர தனிலுள்ள ஜீவசெந்து

நாதாக்கள் சித்தருக்கும் தோணாதையா என்றார்.

நாங்கள் ஆசானைப் புரிந்து கொண்டோம், ஆசான் அகத்தீசரை புரிந்து கொண்டோம், மகான் திருமூலதேவரைப் புரிந்து கொண்டோம்.

 

இன்று ஓங்காரக்குடிலில் பத்தாயிரம் பேர் சாப்பிட்டிருக்கிறார்கள். ஐயாயிரம் முதல் ஆறாயிரம் பேருக்கு கம்பங்கூழ் கொடுத்திருக்கிறோம். நேற்று பதிமூன்று மூட்டை எழுபது கிலோ அன்னதானத்திற்கு சமைத்திருக்கிறோம். பத்தாயிரம் முதல் பன்னிரண்டாயிரம் பேர் சாப்பிடலாம். நாங்கள் ஆசி பெற்றிருக்கிறோம். ஆசி பெற்றதால் இந்த வாய்ப்பு இருக்கிறது. ஆக ஞானிகளை வணங்குகிறோம்.

 

மற்றவர்களுக்கு பெரியவங்களைத் தெரியாது. என்ன காரணம்? சொல்லித் தர ஆளில்லை. அப்படியே சொல்லித் தந்தாலும் கேட்க நாதியில்லை.

என் தோற்றத்தை வைத்து முடிவெடுக்காதே. நாங்கள் தலைவன் ஆசி பெற்றவன்.

 

ஒன்றரை கோடி மக்களுக்கு அன்னதானம் செய்திருக்கிறோம்.

2,714 ஏழைத் தம்பதிகளுக்கு திருமணம் செய்திருக்கிறோம்

தினம் 30,000 பேருக்கு தண்ணீ ர் கொடுக்கிறோம்.

நீ சாதிக்க முடியாததை நாங்கள் சாதித்திருக்கிறோம். நாங்கள் புண்ணியவான்கள். என்ன காரணம்? பெரியவர்களை பூஜை செய்கிறோம்.

 

அடியேனுக்கு செல்வநிலை பெருக வேண்டும், ஏழை எளிய மக்களுக்கு பயனுள்ளவனாக வாழ வேண்டும், பண்புள்ள தொண்டர்கள் சேர வேண்டும். இதற்கு நீர் அருள் செய்ய வேண்டும்என்று நாங்கள் ஆசானை கேட்டோம்.

 

செல்வத்தைக் குவிக்கிறான், பண்புள்ள தொண்டர்களை சேர்க்கிறான், நித்திய அறப்பணி செம்மையாக நடக்கிறது. நீங்கள் கொடுத்த அந்த வரவேற்பு நான் மேற்கொண்ட அறப்பணிக்கு கொடுத்த வரவேற்பாகும். நான் போற்றி பாதுகாக்கும் தர்ம காரியத்திற்கு கிடைத்த வரவேற்பு ஆகும். நீங்கள் எனக்கு அணிவித்த மலர்மாலை தர்மகாரியத்திற்கு போட்ட மாலை ஆகும். இப்பேர்ப்பட்ட காரியத்தை நாங்கள் லகுவாக செய்கிறோம்.

 

நாடுநகர தனிலுள்ள ஜீவசெந்து

நாதாக்கள் சித்தருக்கும் தோணாதையா

ஏடுதனில் எழுதினதோர் பாடல் என்று

எண்ணாதே ஒருநாளும் தப்போ இல்லை

தேடினபேர் பொருள்கோடி தனமீந்தாலும்

செப்பாதே இக்கருவை (ரகசியத்தை) உலகத்தோர்க்கே.

எப்படியாவது ஞானிகளை பெருமைப்படுத்தி பேசியாவது புரிந்து கொள்ளட்டும் பிள்ளைகள்.

 

காலத்தை வீணாக்குகிறான், போலிகளை நம்புகிறான், தோற்றத்தை மட்டும் வைத்து ஒரு முடிவெடுத்து போலிகளை நம்பி சென்று, பொதுமக்கள் வீழ்ந்து போகிறார்கள். இது எதனால் என்று தெரியவில்லை. கயவர்களைப் பற்றி எங்களுக்குத் தெரியும், சொல்லும்போதே தெரிந்து கொள்வோம்.

 

முதல் பாடலை எடுப்போம். முதற்பாடலிலேயே பெரியோர்கள் விஷயத்தை சொல்லியிருப்பார்கள். பெரியவங்க யாரென்று எங்களுக்குத் தெரியும்.

ஒரு மூட்டை அளவிற்கு பெரிய பெரிய புத்தகம் எழுதியிருப்பான். நாங்கள் சொல்வோம், இவன் விஷயமில்லாதவன் என்போம். அவன் எழுதிய புத்தகம் டீக்கடைக்கு வடை, பஜ்ஜி, முறுக்கு கொடுப்பதற்கு போகும். நாங்கள் அந்த புத்தகத்தை தொடவே மாட்டோம்.

 

படித்தால் சிவஞானபோதம் படிப்போம், படித்தால் திருக்குறளைப் படிப்போம், படித்தால் ஆசான் அருணகிரிநாதர் நூலைப் படிப்போம். இது போன்ற ஞானிகள் நூல்களைத்தான் படிப்போம்.

மற்ற நூல்களை தூக்கி எறிந்து விடுவோம். அந்த நூல்களை எழுதியவனை மதிக்கமாட்டேன். இதை வெளியே சொல்ல மாட்டேன்.

 

ஆக ஞானிகள் நூல்களை படிப்பதற்கு ஆசி வேண்டும். ஆசான் திருவடியைப் பற்றுவதற்கும் ஆசி வேண்டும்.

ஆகவே நாங்கள் அறிந்து கொண்டோம். முன் செய்த நல்வினை காரணமாக, மகான் திருமூலர், மகான் காலாங்கி, மகான் கருவூர்முனிவர், மகான் போகமகாரிஷி ஆகியோரை வணங்கி ஆசி பெற்றுள்ளோம்.

 

நாங்கள் புண்ணியவான்கள். நாங்கள் தலைவன் ஆசியை பெற்றிருக்கிறோம். ஆகவே ஆடம்பரம் இல்லை .

யாரும் கற்காத, யாரும் கற்க முடியாத, யாரும் தொட முடியாத, யாரும் சிந்திக்க முடியாத, யாரும் செய்ய முடியாத ஒன்றை செய்திருக்கிறோம். இந்த வல்லமையை எனது ஆசான் கருவூர் முனிவர் தந்திருக்கிறார், மகான் இராமலிங்க சுவாமிகளும் தந்திருக்கிறார்கள்.

 

மனிதவர்க்கமே கடவுளை அடைய விரும்புகிறாயா? எனது ஆசான் மகான் பட்டினத்தார் தான் இதற்கு வழியை சொல்வார். ஆசான் அகத்தீசர், மகான் பட்டினத்தார் பாடலில் இதற்கு வழியிருக்கும்.

 

அற்புதமா யிந்தவுட லாவி யடங்குமுன்னே

சற்குருவைப் போற்றித் தவம்பெற்று வாழாமல்

உற்பத்தி செம்பொன் உடைமைபெரு வாழ்வைநம்பிச்

சர்ப்பத்தின் வாயிற் றவளைபோ லானேனே.

மகான் பட்டினத்தார் – நெஞ்சொடு புலம்பல் – கவி எண் 12.

 

சற்குருவைப் போற்றி வாழ வேண்டுமென்று சொன்னார். சற்குரு இப்போது வழி காட்டுகிறான். ஆசான் பட்டினத்தாரே சற்குரு! என் தலைவன் யார் என்று இன்னொரு இடத்தில் சொல்வார்.

 

மானார் விழியைக் கடந்தேறி வந்தனன் வாழ்குருவும்

கோனாகியென்னைக் குருயேற்றிக் கொண்டனன் குற்றமில்லை

போனாலும் பேறிருந் தாலுநற் பேறிது பொய்யன்றுகாண்

ஆனாலும் இந்தவுடம்போ டிருப்ப தருவருப்பே.

மகான் பட்டினத்தார் – பொது – கவி எண் 59.

 

இன்றைக்கும் வாழ்ந்து கொண்டிருக்கிறான். அவன் பெண்களுடைய கண்களிலிருந்து தப்பியவன். மானாருடைய வேல் விழியில் இருந்து தப்பியவர் மகான் பட்டினத்தார். ஞானிகளை இலகுவாக நினைத்து விடாதீர்கள். இதை ஆசான் திருவள்ளுவர் சொல்வார்,

 

துறந்தார் பெருமை துணைக்கூறின் வையத்து

இறந்தாரை எண்ணிக்கொண் டற்று.

திருக்குறள் – நீத்தார் பெருமை – குறள் எண் 22.

 

துறவியின் பெருமையை அளந்து சொல்ல முடியாது. என்ன காரணம்? நீ வெல்ல முடியாத ஒன்றை வென்றவன். நீ கொல்ல முடியாத மாயையை கொன்றவன். அதனால் தான் துறந்தார் பெருமையை ஒப்பிட்டுப் பேசுகிறார்.

 

வையத்து இறந்தாரை எண்ணிக்கொண் டற்று – இதுவரை உலகில் பிறந்து இறந்தவரை கணக்கெடுக்க முடியுமா? முடியாது என்றார். அப்பேர்ப்பட்ட ஞானிகள் எல்லோரும் மன வலிமை உள்ளவர்கள். இந்த மனவலிமையுடன் பக்தி செலுத்துவதால், “அடியேன் பொறிபுலனை அடக்கி வாழ வேண்டும். அடியேன் மனமாயை அற்று வாழ வேண்டும். எடுத்துக் கொண்ட லட்சியத்தை முடியும் வரை முன் வைத்த காலை பின் வைக்காத தீரம் வேண்டும்என்று கேட்கிறார்கள். ஆகவே அவர்களெல்லாம் பெரியவர்கள்.

 

மானார் விழியைக் கடந்தேறி வந்தனன் வாழ்குருவும்

கோனாகியென்னைக் குருயேற்றிக் கொண்டனன் குற்றமில்லை

போனாலும் பேறிருந் தாலுநற் பேறிது பொய்யன்றுகாண்

ஆனாலும் இந்தவுடம்போ டிருப்ப தருவருப்பே.

மகான் பட்டினத்தார் – பொது – கவி எண் 59.

இந்த உடம்போடு இருக்கக்கூடாது. அதுதான் ரகசியம். அவன் தான் பெரியோன்.

 

ஊத்தை சடலமென் றெண்ணா தேயிதை

உப்பிட்ட பாண்டமென் றெண்ணாதே

பார்த்த பேருக்கே ஊத்தையில் லையிதைப்

பார்த்துக்கொள் உன்ற னுடலுக்குள்ளே.

மகான் கொங்கணர் – வாலைக்கும்மி – கவி எண் 23.

 

என்று மகான் கொங்கணமகரிஷி சொன்னார். இந்த உடம்போடு இருப்பது அருவருப்பு என்றார். இந்த உடம்பை வைத்து கடவுளை அடையவே முடியாது. பிறகு எந்த உடம்பு? அந்த உடம்பு ஞான தேகம்.

இந்த அசுத்த தேகம் நீங்க நீங்க, உள்ளே ஒளி உடம்பு வரும், ஜோதி தேகம். ஞான தேகம் அற்புதமானது.

 

இந்த உடம்பு அசுத்த தேகம். இந்த அசுத்த தேகம் நீங்க நீங்க, உள்ளே ஒளி உடம்பு வரும், இது சூட்சம தேகம். உள்ளே அந்த சூட்சம தேகத்தை எழுப்புவதற்கு இந்த தேகம்தான் அற்புதமான தேகம். இந்த தேகம் நீங்காமல் அந்த தேகம் வரவே வராது. அற்புதமாய் இந்த உடல் என்றார்.

 

காயப்பை யொன்று சரக்குப் பலவுள

மாயப்பை யொன்றுண்டு மற்றுமோர் பையுண்டு

காயப்பைக் குள்நின்ற கள்வன் புறப்பட்டால்

மாயப்பை மண்ணா மயங்கிய வாறே.

திருமந்திரம் – உடலில் பஞ்சபேதம் – கவி எண் 2122.

 

காயப்பை யொன்று – இந்த உடம்பு. இந்த உடம்பினை வென்றவர்கள். ஆனால் தன்னடக்கமாக இருப்பார்கள், வெளியே தெரியாது. அதற்கும் ஆசி வேண்டும், அடக்கமாக இருக்க வேண்டும்.

 

அடக்கமில்லார்க் கொன்றுமில்லை ஆத்தாள் சொன்னாள்,

அப்பனே உங்களுக்கு யாமும் சொன்னோம்,

படபடக்க வொண்ணாது பதத்தில் நில்லு

என்று சொன்னார் மகான் சட்ட முனிவர். இங்கே திருவள்ளுவப்பெருமான்,

 

அடக்கம் அமரருள் உய்க்கும் அடங்காமை

ஆரிருள் உய்த்து விடும்.

திருக்குறள் – அடக்கமுடைமை – குறள் எண் 121.

 

காக்க பொருளா அடக்கத்தை ஆக்கம்

அதனின்ஊஉங்கு இல்லை உயிர்க்கு

திருக்குறள் – அடக்கமுடைமை – குறள் எண் 122.

 

ஆக இதையெல்லாம் புரிந்து கொண்டவர்கள், தெரிந்து கொண்டவர்கள் ஞானிகளை வணங்கி தெளிவான அறிவை பெறுவார்கள். ஆகவே உங்களுக்கு கவியாக சொல்லிக்கொண்டே வருகிறோம்.

 

திருமந்திரம் படிக்கிறோம், முதலில் புரியாது. திருமந்திரம் மொத்தம் எட்டாயிரம் பாடல்கள், அவ்வளவும் ஞானபாடல்கள். அப்புறம் மூவாயிரம் இருக்கிறது. ஆசான் திருமூலதேவரை அழைத்து, “நீங்களெல்லாம் பெரியவங்க ஐயா! என்னையும் ஒரு பார்வை பாரய்யா, நீ கருணையே வடிவான ஆசான். என்னை ரட்சிக்க வேண்டும்என்று மகான் திருமூலதேவரைக் கேட்டு, பூஜை செய்தோம். அப்படி பூஜை செய்ததனால் அவர் என்ன கற்றாரோ, என்ன பெற்றாரோ அத்தனையும் நாங்கள் அடைந்திருக்கிறோம். இதுதான் ரகசியம்.

 

மகான் திருமூலதேவருடைய ஆசி பெற்றதனால்தான், மூச்சுக்காற்று புருவமத்தியில் ஒடுங்கியது. இல்லையென்றால் முடியுமா. ஆசான் புருவமத்தியில் ஒடுங்கியதால் அசுத்த தேகம் நீங்கியது. அசுத்த தேகம்தான் காமத்தை உண்டாக்கும், வஞ்சனையை உண்டாக்கும், நரை திரையை உண்டாக்கும், பரிணாம வளர்ச்சிக்கு உட்படும். அந்த தேகத்தை பொடியாக்கினோம். ஆசான் ஆசியைப் பெற்றோம், வாசி வசப்பட்டது. இதை ஆசான் திருமூலதேவர் சொல்கிறார்,

 

புறப்பட்டுப் புக்குத் திரிகின்ற வாயுவை

நெறிப்பட வுள்ளே நின்மல மாக்கில்

உறுப்புச் சிவக்கும் உரோமங் கறுக்கும்

புறப்பட்டுப் போகான் புரிசடை யோனே.

திருமந்திரம் – பிராணாயாமம் – கவி எண் 575.

 

புறப்பட்டுப் புக்குத் திரிகின்ற வாயுவை – வந்து போகின்ற வாயு என்று அர்த்தம். வந்து போகின்ற காற்றை நாங்கள் புரிந்து கொண்டோம். புக்கு – புகுதல் – தங்குதல். வெளியே போகின்ற காற்றையும் உள்ளே வருகின்ற காற்றையும் அறிதல்.

புறப்பட்டுப் புக்குத் திரிகின்ற வாயுவை – வந்து போகின்ற காற்றை,

நெறிப்பட வுள்ளே நின்மல மாக்கில் – முறையோடு உள்ளே தங்குகின்ற காற்று வெளியே வரக்கூடாது. வெளியே வந்தால் அவன் ஞானியாக முடியாது. அவன் சாகப்போகிறான் என்று அர்த்தம். ஒடுங்கிய காற்று ஒடுங்கி விட வேண்டும்.

 

உறுப்புச் சிவக்கும் உரோமங் கறுக்கும்

புறப்பட்டுப் போகான் புரிசடை யோனே.

இந்த காற்று உள்ளே தங்கியதால், நரை திரை நீங்கி மரணமிலாப்பெருவாழ்வு கிடைக்கும். வந்து போகின்ற காற்றை வெளியே விடாமல் செய் என்றார் மகான் திருமூலதேவர்.

 

ஆசான் திருமூலதேவர் இந்த வாய்ப்பை நீ பெற்றிருக்கிறாய் என்றார். அவரிடம் ஐயா, நூலை நான் படிக்கிறேன். படிக்கின்ற அறிவு எனக்கு ஏது? நாயினும் கடையேனாகிய சரியான மடயன் நான். என்னை விட மூர்க்கன் இந்த உலகத்தில் யார் இருக்கிறார்? என்னைப் போல் பாவி இந்த உலகத்தில் யார்இருக்கிறார்? என்னைப் போல் கல்லாத மடயன் யார் இருக்கிறான். நீர் கற்றோர், பெரியோன், என்னை ஏற்றுக்கொள்ள வேண்டுமென்று கேட்க வேண்டும்.

 

புறப்பட்டுப் புக்குத் திரிகின்ற வாயுவை

நெறிப்பட வுள்ளே நின்மல மாக்கில்

உள்ளேயே தங்கி விட வேண்டும். முறையோடு நெறிப்பட , காற்று உள்ளே தங்கிவிட்டால், உறுப்புச் சிவக்கும் உரோமங் கறுக்கும். உடம்பு மீண்டும் இளமையாகும். உறுப்பு என்றால் உடம்பு, தேகம் சிவப்பாக மாறும். அந்த வாய்ப்பைப் பெற்றிருக்கிறோம்.

 

உருத்தரித்த நாடியி லொடுங்குகின்ற வாயுவை

கருத்தினா லிருத்தியே கபாலமேற்ற வல்லிரே

விருத்தரும் பாலராவர் மேனியுஞ் சிவந்திடும்

அருட்டரித்த நாதர்பாத மம்மைபாத முண்மையே.

மகான் சிவவாக்கியர் பாடல்கள் – கவி எண் 5.

 

புறப்பட்டுப் புக்குத் திரிகின்ற வாயுவை

நெறிப்பட வுள்ளே நின்மல மாக்கில்

என்று ஆசான் திருமூலர் சொல்வார்.

 

சங்கிரண்டு தாரையொன்று சன்னபின்ன லாகையால்

மங்கிமாளு தேயுலகில் மானிடங்க ளெத்தனை

சங்கிரண்டை யுத்தவிர்ந்து தாரையூத வல்லிரேல்

கொங்கைமங்கை பங்கரோடு கூடிவாழ லாகுமே.

மகான் சிவவாக்கியர் பாடல்கள் – கவி எண் 21.

 

வாக்கியம்! சிவ வாக்கியம்!

மகான் சிவவாக்கியர் அவர்களே, நீங்களெல்லாம் பெரியவர்கள் ஐயா! என்னையும் ஒரு பொருட்டாக மதித்து அருள் செய்யுங்கள்என்று மகான் சிவவாக்கியரை கேட்டால், “என்னை நீ நம்புகிறாய், அஞ்சேல் மகனே! நீ செய்த பாவத்தைப் பொடியாக்குவேன். உனக்கு ஞானத்தைத் தருவேன்என்பார் ஆசான் சிவவாக்கியர்.

மகான் சிவவாக்கியரிடம், ஐயா! நீங்களெல்லாம் பெரியவர்கள், உமது வாக்கியத்திற்கு ஈடே இல்லை ஐயா! என்னையும் ஒரு பார்வை பார்த்து ரட்சிக்க வேண்டுமென்று கேட்க வேண்டும். இது வேண்டுகோள்.

 

சங்கிரண்டு தாரையொன்று – சங்கு என்றால் மூச்சுக்காற்று. இரண்டு பக்கமும் காற்று வரும்.

 

உருத்தரித்த நாடியி லொடுங்குகின்ற வாயுவை

கருத்தினா லிருத்தியே கபாலமேற்ற வல்லிரே

விருத்தரும் பாலராவர் மேனியுஞ் சிவந்திடும்

அருட்டரித்த நாதர்பாத மம்மைபாத முண்மையே.

மகான் சிவவாக்கியர் பாடல்கள் – கவி எண் 5.

 

இந்த அறிவே போதும். கல்வி கற்று பெற்ற பட்டத்தை தூக்கி எறி. தேவையில்லை பட்டம், படித்தால்தான் இது வரும் என்பதல்ல.

நீங்களெல்லாம் அறிய முடியாத ஒன்றை அறிந்தவன் மகனே! நீ அறிய முடியாத ஒன்றை அறிந்தவன் நான்!

 

கற்றுக் கொண்டோம், பெரியவர்களைத் தவிர நம்மைக் காப்பாற்ற யாருக்கும் யோக்கியதையே இல்லை என்பதை புரிந்து கொண்டோம், கற்றுக் கொண்டோம். பெரியவங்க ஆசிதான் நம்மை வழி நடத்திச் செல்லும். மகான் கருவூர்தேவர்தான் நம்மைக் காப்பாற்றுவார்.

 

மகான் சிவவாக்கியர் நம்மைக் காப்பாற்றுவார்.

மகான் திருமூலதேவர் நம்மை ஆதரிப்பார்.

மகான் அகத்தீசர் நம்மை ஆதரிப்பார்.

மகான் நந்தீசர் அருள் செய்வார்.

மகான் காலாங்கிநாதர் கருணை காட்டுவார்.

மகான் போககாரிஷி நம்மை புனிதனாக்குவார்.

மகான் கருவூர்முனிவர் நம்மைக் காப்பாற்றுவார் என்ற கல்வி வந்ததல்லவா, அந்த கல்வி என்னை உயர்த்தி விட்டது.

ஆகவே எங்கள் கல்விக்கு ஈடே இல்லை. இது எவ்வளவு பெரிய கல்வி? இதற்கு பெரியவங்க ஆசியைப் பெற்றுக் கொள்ள வேண்டும், பாவத்திலிருந்து விடுபட வேண்டும். பாவத்திலிருந்து விடுபடாமல் உனக்கு அறிவே வேலை செய்யாது.

 

பாவம் என்றால் என்ன? இந்த தேகமே பாவம். இதிலிருந்து விடுபட வேண்டும். இதிலிருந்து விடுபடுவது தான் கல்வி. ஆகவே நாங்கள் கற்ற கல்வி உயர்ந்த கல்வி. அதனால்தான் நான் இந்த வாய்ப்பைப் பெற்றிருக்கிறேன் ஐயா. வாசிவசப்படுவது என்பது சின்ன விசயமல்ல.

 

ஐயா, வாங்கும் சம்பளமெல்லாம் கடன் சுமைக்கே போகிறது, வட்டி கட்டவே போதவில்லை. நான் ஏதோ அறியாமை காரணமாகக் கடன் வாங்கி வீடு கட்டி விட்டேன். ஏதோ உணர்ச்சி வசப்பட்டு கடன் வாங்கி வீடு கட்டி விட்டேன். நான்கு லட்சத்திற்கு அவன் இரண்டு வட்டி போட்டு விட்டான். இரண்டு வட்டி என்பது கருணை. இருபது பைசா வட்டி தான் இப்ப உயர்ந்த வட்டியாக இருக்கிறது. கொஞ்சம் நியாயமான வட்டி.

மூன்று வட்டி, ஐந்து வட்டி நியாயமில்லாத வட்டி. அதில் போய் மாட்டிக் கொண்டேனே.

 

எனக்குப் புரியவில்லையப்பா , எனக்கு சம்பளம் நான்காயிரம் தான் வருகிறது. வாங்குகின்ற சம்பளத்தை வைத்து வட்டி கட்டவே முடியவில்லை. மனைவி, பிள்ளைகளோடு இருக்கிறேன். என்னை நீ காப்பாற்ற வேண்டுமென்று ஆசானிடம் கேட்க வேண்டும். இது ரொம்ப லகுவான கேள்வி.

 

இதற்கு ஒரு பட்டம் தேவையில்லை. நீங்களெல்லாம் பெரியவங்க ஐயா, என் சம்பளத்தை வாங்கி வட்டி கட்டவே முடியவில்லையப்பா. எனக்கு நீர்தான் அருள் செய்ய வேண்டும். என்ன பாவம் செய்தேனோ தெரியவில்லையென்று ஆசானிடம் கேட்க வேண்டும்.

 

கடன் வாங்கி வீடு கட்டக் கூடாது. சில இடத்திலே, பத்து வருடத்திற்கு முன் போட்ட அஸ்திவாரம் அப்படியே அடிப்பகுதியோடு நிற்கிறது. என்ன காரணம்? அவன் செய்த பாவம். நாங்கள் அப்படி செய்வோமா? எங்கள் தொண்டர்கள் அப்படி செய்வார்களா? கையில் பணத்தை வைத்துக் கொண்டு வீடு கட்டுவான்.

 

அவர்கள் வீடு கட்டியிருக்கிறார்கள், வீடு நன்றாக இருக்கிறது. நாமும் வீடு கட்டுவோமென்று மனைவி சொல்வாள். இதற்கு கணவன், நான் வீடு கட்டி தெருவில் நிற்கணுமா? என்னிடம் அவ்வளவு பணம் கையில் இல்லை. வீடெல்லாம் கட்ட முடியாது என்று சொல்வான். இவன் எங்க ஆள். அவங்க பேச்சை, இவங்க பேச்சைக் கேட்க மாட்டான்.

 

நம் சக்தி இதுதான். வீடு கட்ட ஆரம்பித்தால் இரண்டு சதுரமோ, நான்கு சதுரமோ கச்சிதமாக கட்டுவான். வேறு யாரும் எதை சொன்னாலும் அவர்கள் பேச்சை கேட்பது போன்று நடித்துக் கொண்டிருப்பான்.

 

வீடு கட்டுபவனுடைய உறவினர்கள், உன்னுடைய குழந்தைகள் வளர்ந்து விட்டால் இந்த வீடு போதாது, பின்பக்கம் இழுத்து பெரியதாக வீட்டை கட்டு என்பார்கள். ஆக பிரச்சனையை துவக்கி விட்டான், சனியன் பிடிக்கப் போகுது என்று அர்த்தம். வீட்டிற்கு கடன் வாங்கி கொடுத்துவிடுவான். கையில் மூன்று லட்சம் இருக்கும். கடைசியில் அதையும் விட்டு விட்டு வீட்டையும் விற்று விட்டு ஒன்றுமில்லாமல் ஆகி விடுவான். என்னய்யா அவன் செய்த பாவம்.

 

இப்போது சொல்லித் தருகிறேன் கேள். அருள் வள்ளலே, அகத்தீசா! நான் வீடு கட்ட நினைக்கிறேன். எனக்கு நீங்கள் அருள் செய்ய வேண்டும், நான் சொந்த வீட்டில் இருக்க ஆசைப்படுகிறேன், நீங்கள் அருள் செய்ய வேண்டுமென்று கேட்க வேண்டும். வீடு கட்டுவதற்கு முன்னே, நான் மேற்கொள்ளும் கட்டுமானப்பணிகள் செம்மையாக நடக்க அருள் செய்ய வேண்டும், அதற்குத் தேவையான பொருள் வேண்டுமென்று ஆசானை கேட்க வேண்டும். கட்டிடம் கட்டுவதற்கு முன்பு தலைவனைக் கேட்போம். இந்த வீடு கட்டும் பணி தடையில்லாமல் நடக்க வேண்டுமென்று கேட்போம்.

 

இல்லறத்தான் கையில் பணம் இருந்தால் வீடு கட்ட வேண்டும். இல்லையென்றால் ஆசானின் கருணை கொண்டு கட்ட வேண்டும். யாருடைய கருணை வேண்டும்? மகான் கருவூர்தேவரை கேள், வீடு கட்டப் போகிறேன், எனக்குத் தெரியவில்லை, இரண்டு லட்சம்தான் கையில் இருக்கிறது. கடன் சுமை இல்லாமல் வீடு கட்ட வேண்டுமென்று கேட்டால் அருள் செய்வார்கள். அவரின் கருணையோடு கட்ட வேண்டும். அவர்கள்தான் எதை வேண்டுமானாலும் செய்வார்களே. இதைத்தான் மகான் மாணிக்கவாசகர் சொன்னார்,

 

வேண்டத் தக்கது அறிவோய் நீ

வேண்ட முழுதும் தருவோய் நீ

வேண்டும் அயன் மாலுக்கு, அரியோய் நீ

வேண்டி என்னைப் பணிகொண்டாய்

வேண்டி நீ யாது அருள் செய்தாய்

யானும் அதுவே வேண்டின் அல்லால்

வேண்டும் பரிசு ஒன்று உண்டு என்னில்

அதுவும் உன்தன் விருப்பு அன்றே.

திருவாசகம் – குழைத்த பத்து – கவி எண் 6.

 

வேண்டிய வேண்டியாங்கு எய்தலால் செய்தவம்

ஈண்டு முயலப் படும்.

திருக்குறள் – தவம் – குறள் எண் 265.

 

மகான் கருவூர்தேவரிடம், வீடு கட்ட வேண்டும். இதற்கு நீர் தான் அருள் செய்ய வேண்டுமென்று கேட்டால் தடையில்லாமல் அருள் செய்து விடுவார்கள். மகான் கருவூர்தேவரை வேண்டினால் அறிவு வேலை செய்யும். மகான் கருவூர்தேவரை வேண்டினால் வீடு கட்டுமானம் நடக்கும். மகான் கருவூர்தேவரை வணங்கினால் திருமணம் தடையில்லாமல் நடக்கும். பெரியவர்களை வணங்க வேண்டுமென்பது நாங்கள் சொல்ல வேண்டும். பெரியோர்களை வணங்கி கேட்டுக் கொள்ள வேண்டுமென்பதை சொல்லித்தர வேண்டும், இல்லையென்றால் தெரியாது.

 

வீடு கட்டுவதற்கு முன் ஆசானிடம் கேட்க வேண்டும். ஆசானுடைய சன்னதிக்கு வர வேண்டும். ஆசானிடம், வீடு கட்ட வேண்டும், கையில் இருக்கும் பணமெல்லாம் வீடு கட்டவே செலவாகிவிட்டால், என்னால் தாங்க இயலாது நான் பிள்ளைக்குட்டிக்காரன், நீங்களெல்லாம் பெரியவங்க. எனக்கு அறியாமை வரக்கூடாது. நான் தவறேதும் செய்கிறேனா என்பது எனக்கு தெரியவில்லை. நீங்கள் எனக்கு அருள் செய்ய வேண்டுமென்று கேட்க வேண்டும்.

 

இல்லையென்றால் வீட்டை கட்டமுடியாமல் பத்து வருடத்திற்கு தடைப்பட்டு அப்படியே கிடக்கும். கஷ்டப்பட்டு சேர்த்து கையில் வைத்திருக்கும் இரண்டு லட்சத்தையும் கடன்காரனிடம் கொடுத்து விட்டு, மூட்டை முடிச்சை கட்டிக் கொண்டு, வீட்டை கடன்காரனுக்கு எழுதி கொடுத்து விட்டு வெளியே வந்து விடுவான்.

சில புண்ணியவான் கட்டுகிறான். அவன் முன் ஜென்மத்தில் புண்ணியம் செய்திருப்பான், வீடு கட்டி முடித்திருப்பான்.

 

எத்தனை பேர் வீடு கட்டி விற்றவன்? எத்தனை பேர் வீடு கட்ட முடியாதவன்? எத்தனை பேர் தற்கொலை செய்தவன்? எத்தனை பேர் ஊரை விட்டு ஓடி லாட்ஜில் செத்தவன் எத்தனை பேர்? இப்படி ஒரு பலகீனம் ஏன் வர வேண்டும்? நீ என்ன அவ்வளவு பெரிய மனிதனா? வீடு கட்டி முடித்து விடுவாயா? உன்னால் முடியுமா? உன்னால் முடியாதென்றால் ஆசானை கேள். இதையெல்லாம் எதற்கு நாங்கள் சொல்கிறோமென்றால், ஞானிகளின் ஆசியை பெற்றுக் கொள்ள வேண்டும்.

 

ஆசான் கருவூர்தேவர், ஆசான் திருமூலதேவர், மகான் இராமலிங்க சுவாமிகள் போன்ற ஞானிகளை வணங்கி ஆசி பெற வேண்டும். இல்லறத்தானுக்கு இது அவசியம். ஏனென்றால் பிள்ளைகளுக்காக, வயதுக்கு வந்த பெண் பிள்ளைகளுக்காக ஆசானை வணங்கி இல்லறத்தான் ஆசி பெற வேண்டும்.

 

கூனியா? கைகேயியா? என்ற தலைப்பில் பட்டி மன்றத்தில் பேசுகிறார். சீதையும் கண்ணகியும் சந்தித்தால் என்ன என்பதை பேசுவார்கள். அவர்கள் தான் இரண்டு பேரும் ஊருக்கு போய்விட்டார்களே. ஐயோ பாவம்! அவசியமா இது? இந்த கருத்துக்கள் தேவையா நாட்டிற்கு? இதையெல்லாம் குறை சொல்வதாக நினைக்காதீர்கள். இந்த கருத்துக்கள் நாட்டிற்குப் பயன்படாது.

 

நீ பட்டிமன்றத்தில் இருந்து மாலை மரியாதை வாங்கி வருகிறாய். ஏதேதோ கதை சொல்லிவிட்டு வருகிறாய். நம்முடைய ஒரு பெண்ணுக்கு வயது இருபத்தேழு ஆகிறது, இன்னொரு பெண்ணுக்கு இருபத்தைந்து வயதாகிறது, அடுத்த பெண்ணிற்கு இருபத்தி மூன்று வயதாகிறது, இன்னும் திருமணம் நடைபெறவில்லை. நீ என்னமோ பட்டிமன்றத்திற்கு சென்று கூனியா கைகேயியா என்று கதை விட்டுக் கொண்டிருக்கிறாய்? என்று அவனுடைய மனைவி கேட்பாள்.

 

நாங்கள் இதை பேசுவோமா? பேசவே மாட்டோம். இதுபோன்ற கதைக்கே நாங்கள் போக மாட்டோம். அதை யாரோ வைத்திருக்கிறான்.

மனித வர்க்கத்தை உயர்த்துவோம். கருணைக்கடலான மகான் கருவூர்முனிவர் துணை கொண்டு உயர்த்துவோம். ஆசான் அருணகிரிநாதரை வணங்குவோம். மகான் இராமலிங்க சுவாமிகளை வணங்கிக் கேட்போம்.

 

மனிதவர்க்கத்தை உயர்த்துவதற்காக இதையெல்லாம் சொல்லிக்கொண்டு வருகிறோம். இப்போது சொல்லித் தருகிறோம்.

மகளுக்கு திருமண வயது வந்துவிட்டது. அப்பா! பெண்ணுக்கு வயதாகி விட்டதையா! நான் என்ன செய்யட்டும்? இந்த காலம் சரியில்லை. தெருவில் பெண்கள் நடந்து போக முடியவில்லை. இதுபோன்ற கொடுமை நடக்கிறது. என்ன காரணம்? ஞானசித்தர் காலத்தில் இது நடக்காது.

 

திருமணம் தடைபடும்போது, ஆசான் அகத்தீசர், மகான் கருவூர்முனிவர், மகான் இராமலிங்க சுவாமிகள் போன்ற ஞானிகளை வணங்கி என்னுடைய மூன்று மகள்களுக்கு திருமணம் செய்ய வேண்டும். இதற்கு நீங்கள் தான் அருள் செய்ய வேண்டுமென்று கேட்டால் ஞானிகள் அருள் செய்வார்கள்.

 

நீ செத்தவனை கும்பிட்டால் முடியுமா? அம்மை கண்டு செத்தவர்களையும், உடன் கட்டை ஏறியவர்களையும், போர்க்களத்தில் வீர மரணம் அடைந்தவர்களையும் வணங்கினால் முடியுமா? நம்முடைய பூஜையை ஏற்று அருள் செய்யக்கூடிய வல்லமை

 

அவர்களுக்கு இல்லை. அவர்களுடைய தியாகத்திற்கு தலை வணங்குவோம். கேட்டு அருள் செய்யக்கூடியவர்கள் ஞானிகள்தான். மகான் இராமலிங்க சுவாமிகள், மகான் மாணிக்கவாசகர், மகான் அருணகிரிநாதர், மகான் பட்டினத்தார் போன்ற ஞானிகளை வணங்கி கேட்க வேண்டும்.

 

ஞானிகளிடம், “வயதிற்கு வந்த பெண் பிள்ளைகள் இருக்கிறது, ஐயா! எங்கே ஐயா போவேன் கஷ்டமாக இருக்கிறது ஐயா! எல்லாம் அராஜகவாதிகள்என்று சொல்ல வேண்டும், கொடுமை நடக்கிறது. எல்லாம் நம் பிள்ளைகள் தான். யாரோ என்று நினைக்க வேண்டாம். வெளிநாட்டுப் பிள்ளைகள் என்று நினைக்காதீர்கள். அது அறியாமை. அறியாமையில் நடந்து கொண்டிருக்கிறது. பெரியவங்க ஆசி கொடுத்தால் அராஜகம் நடக்காது. கடவுளைக் கேட்க வேண்டும். என்னப்பா பெண்களுக்கு கொடுமை செய்து கொண்டிருக்கிறான். இந்த உலகத்திற்கு விமோசனமே இல்லையா? நீங்களெல்லாம் பெரியவர்கள் ஐயா! பெண்களுக்கு அராஜகம் நடக்கிறது. பிள்ளைகள் தெருவில் போக முடியவில்லை! என்று சொல்ல வேண்டும்.

 

அவன் மோட்டார் சைக்கிளில் தீபாவளிக்கு பிள்ளைகளுக்கு துணிமணி வாங்கிக் கொண்டு போகிறான்.

அப்பா வந்து விடுவார். பிள்ளைகளே உங்களுக்கு துணிகள் வாங்கிக் கொண்டு வருவாரென்று மனைவி பிள்ளைகளிடத்து சொல்கிறார்.

 

இவன் சம்பளத்தை வாங்கி, துணி, காரம், இனிப்பு பலகாரங்களையெல்லாம் பிள்ளைகளுக்கு வாங்கிக் கொண்டு போகிறான். அப்படி போகும்போது அவனை ஒருவன் பின்னால் சவுக்குக் கட்டையால் அடித்து கீழே தள்ளி விட்டான். என்ன கொடுமை யாரடா அது? என்ன கொடுமை? அட பாவிகளா! அடித்து கீழே தள்ளி விட்டாயே! அங்கே பிள்ளைகள் ஏங்கிக் கொண்டிருக்கும். அந்த பிள்ளைகள் அப்பா வருவார், வருவார் என்று ஏங்கும். என்ன சொல்வாள், அந்த பிள்ளைகளுக்கு மறுமொழி.

 

நீங்களெல்லாம் பெரியவங்க, நீங்களெல்லாம் இருந்து என்னய்யா? இப்படி பிள்ளைகளுக்கு தீபாவளிக்கு துணி, பலகாரங்கள் வாங்கிக் கொண்டு செல்கிறான். அவனை அடித்து போட்டுவிட்டு அவனிடமிருந்த பணத்தை மட்டும் எடுத்துக் கொண்டு போய்விட்டான். அவ்வளவு பெரிய கொடுமை! என்ன கொடுமை! இதெல்லாம் நடக்கக் கூடாது. இதைப் புரிந்து கொள்ள வேண்டும். ஞானிகள் காலத்தில் நடக்கவே நடக்காது.

 

இந்த கொடுமை தீர வேண்டுமென்று வேண்டிக் கொள்கிறோம். உலகத்தில் உள்ள அராஜகங்கள் எல்லாம் நீங்க வேண்டும். உலக மக்கள் சுபிட்சமாக இருக்க அருள் செய்ய வேண்டும். உலகில் பண்பு நிறைந்து இருக்க வேண்டும். அன்பு உணர்ச்சி நிலைத்து இருக்க வேண்டும். அராஜகம் நீங்க அருள் செய்ய வேண்டுமென்று தலைவனைக் கேட்கிறோம். ஞானிகளுக்கு என்ன நட்டமா? நாம்தான் இப்படி கேட்க வேண்டும்.

 

இது ஞானசித்தர் காலமென்று அன்பர்கள் சொல்கிறார்கள். அவர்களுக்கு என்ன அவ்வளவு மகிமை?

இந்த தேதியில் இந்த இடத்தில் இது நடக்கும். இந்த நேரத்தில் இது நடக்கும். அங்கே அவன் குண்டு வைத்துக் கொண்டு காத்துக் கொண்டிருப்பான். ரயிலில் குண்டு வைப்பதற்கு காத்துக் கொண்டிருப்பான். இந்த நேரத்தில் இன்னென்ன பெயருள்ளவன் வெடிகுண்டு வைக்கப் போகிறான் என்று ஞானிகள் சொல்வார்கள். போதாதா அப்படியே கோழியை பிடிப்பதுபோல் பிடித்து விடுவார்கள் நம்மவர்கள். ஆக இது போன்ற அராஜகத்தை ஞானிகள் தான் தடுக்க முடியும். முக்காலமும் உணர்ந்த முனிவர்கள்.

 

நாமெல்லாம் ஞானிகளை வணங்கி முதலில் திருமணம், வீடு கட்டுதல், பிள்ளைகளுக்கு திருமணம். அடுத்து உலக சமுதாயத்தில் உள்ள அராஜகம் நீங்கி, கொடுமை நீங்கி, பண்புள்ள மக்கள் உருவாவதற்கு ஆசானை வேண்டிக்கொள்ள வேண்டும். நிலையான உயர்ந்த பூஜையை நாங்கள் சொல்லியிருக்கிறோம். நீங்களும் அதனை பின்பற்றி, ஆசான் அகத்தீசரையும், மகான் திருமூலதேவரையும் வணங்கி அன்றாட பிரச்சனைகளிலிருந்து விடுபடவும், செல்வநிலை பெருகவும் கேட்க வேண்டும்.

 

கடன் சுமையினால் தூக்கம் வராது கட்டிலில் புரண்டு கொண்டே இருப்பான். புலம்பல் சத்தம் வெளியே கேட்கும். என்ன உடம்பு சரியில்லையா? என்று அவனுடைய மனைவியிடம் கேட்டால், என் வீட்டுக்காரருக்கு உடம்பு நன்றாகத்தான் இருக்கு, மனநிலை சரியில்லை என்றாள் மனைவி.

 

என்ன காரணம்? ஏகப்பட்ட கடனை வாங்கி விட்டான். அது அவன் மேல் குற்றமில்லை. ஏதோ கற்பனையில் அப்படி செய்ய வேண்டும், இப்படி செய்ய வேண்டுமென்று கடன் வாங்குவான். கடைசியில் தூக்கம் வராமல் மாத்திரை சாப்பிடுவான். நோய்வாய்ப்பட்டவன் தூக்கம் வராமல் புரண்டு கொண்டு இருக்கிறான். ஆனால் இவன் நல்ல உடம்புடன் இருக்கிறான், மாத்திரை சாப்பிடாமல் தூங்க முடியவில்லை என்று புரண்டு கொண்டு கிடப்பான். கடைசியில் மனநிலை சரியில்லாமல் சித்தபிரமை வந்து விடும்.

 

தலைவன் ஒருவன் இருக்கிறான். கடன் சுமை வந்து விட்டது அம்மா, நீங்கள் தான் அருள் செய்ய வேண்டுமென்று கேட்போம். நாங்களெல்லாம் அம்மா என்றுதான் ஞானிகளை சொல்வோம்.

 

கடன் சுமையிலிருந்து விடுபட வேண்டுமென்றால், ஆசானை கேட்க வேண்டும். பிள்ளைகளுக்கு திருமணம் நல்லபடி நடக்க வேண்டுமென்று ஆசானை கேட்க வேண்டும். வீடு கட்டும் முன்னே ஆசானை கேட்டுக் கொள்ள வேண்டும்.

 

நம் மகனுக்கு திருமணத்திற்கு பெண் பார்க்கும் முன், நல்ல பெண்ணாக அமைய வேண்டுமென்று கேட்க வேண்டும். நம் பெண்ணுக்கு நல்ல வரனாக அமைய வேண்டுமென்று கேட்க வேண்டும். இதையெல்லாம் நாம் கேட்டுப் பெற வேண்டும்.

 

மாணவர்கள் நன்கு படித்து விட்டு வேலைக்குப் போக முடியவில்லை. திருமணம் செய்து வைத்து விடுகிறார்கள். இருபத்தேழு வயதில் திருமணம் செய்து வைத்து விடுகிறார்கள். பெண் வீட்டுக்காரனும் என்ன செய்வது வயது இருபத்தைந்து ஆகிறது என்று பெண்ணை கொடுத்து விடுகிறான். அவனுக்கு வேலை இல்லைஉன் வீட்டில் இருந்து அதை வாங்கி வா! இதை வாங்கி வா!என்று மனைவியை கட்டாயப்படுத்துகிறான். கடைசியில் கொடுமைப்படுத்துகிறான். அவன் மேல் குற்றமில்லை. நாடு அப்படி இருக்கிறது. பல கோணங்களில் உலகம் கெட்டு விட்டது. இதை மாற்றும் வல்லமை ஞானிகளுக்குத்தான் உண்டு.

 

ஞானிகளை வணங்குவோம். உலக மக்கள் சுபிட்சமாக இருக்க வேண்டுவோம். நம் குடும்பத்தை உயர்த்துவோம். நமக்கு வருகின்ற வருவாயை எல்லாம் மருத்துவத்திற்கு, மருத்துவ செலவாக ஆகக் கூடாது. எப்பொழுது பார்த்தாலும் ஊசி மருந்தாக இருக்கக் கூடாது.

 

அடியேன் உடல் ஆரோக்கியத்தோடு இருக்க வேண்டும், அடியேன் வருவாய் வைத்திய செலவுக்கு பயன்படாமல் இருக்க வேண்டுமென ஆசானிடம் கேட்க வேண்டும்.

கடவுள் தான் இந்த உலகத்தைக் காப்பாற்ற வேண்டும். வரும் வருவாய் தேவையில்லாது ஊசிக்கும் மருந்துக்கும் போய்விடும்.

 

சிலர் டீயை பாதி குடித்து பாதியை அப்படியே வைத்துவிட்டு போவான். ஐந்தாறு வகை உணவை தயாரிக்கின்றீர்கள். உட்காருவதற்கு முன்னரே இலையில் எல்லாவற்றையும் பரிமாறுகிறீர்கள். அதில் சின்ன பிள்ளை போய் உட்காருகிறது. கொஞ்சம் சாப்பிட்டுவிட்டு அப்படியே விட்டு விட்டுப் போகிறான். பாவி! என்று தலையில் அடித்துக் கொண்டேன். அந்த சின்னபிள்ளை ஒரு இட்லி தான் சாப்பிடும். மிச்சத்தை குப்பையில் போடுகிறான் பாவி! இந்த ஏழை நாட்டில் இப்படி நிலைமையா.

 

சாப்பிட வந்தவர்கள் உட்கார்ந்த பின், அவர்களிடம் என்ன வேண்டுமென்று கேட்டு கேட்டு பரிமாற வேண்டும். உட்காரும் முன்னே இலையில் பரிமாறி வைத்துவிடுவான். சாப்பிட வருபவன் கொஞ்சமாக சாப்பிட்டுவிட்டு மிச்சத்தை இலையில் வைத்து விட்டுப் போவான். என்ன கொடுமை இது. இப்படி உணவுப் பொருளை வீணாக்குகிறாயே, உனக்கு அறுசுவை சாப்பிட முடியாத நிலை வரும். உனக்கு சர்க்கரை நோய் வரும்.

 

கடவுள் கொடுத்த உணவு. உனக்கு வேண்டுமானால் சாப்பிடு. இல்லையென்றால் வீணாக்காதே. யாரோ ஏழைகள் உணவிற்காக காத்துக் கொண்டிருக்கிறார்கள். கொஞ்சம் சோறு போதுமென்று வெளியில் காத்துக் கொண்டிருக்கிறான். அவனுக்கு கொடு, ஆனால் வீணாக்காதே.

 

நீ இந்த ஆடம்பரத்தை வேண்டாமென்று சொல்லலாம். ஆக பாதி டீயை அப்படியே வைத்து விட்டுப் போவதும், பாதி உணவை அப்படியே வைத்து விட்டுப் போவதும், அதுதான் நாகரீகம் என்றும் எண்ணாதே.

 

கடவுள் கடைசியில் உனக்கு சாப்பிட உணவு கிடைக்காமல் செய்து விடுவான். என்ன நினைத்துக் கொண்டிருக்கிறாய்? கடவுள் உனக்கு உணவு கொடுத்திருக்கிறான், உனக்கு கல்வியை கொடுத்திருக்கிறான், உடை தந்திருக்கிறான்.

 

ஏனப்பா நான் கொடுத்த உணவை இப்படி வீணாக்குகிறாயே மகனே!என்று கடவுள் நினைத்தால் நீ தாங்குவாயா. நமக்கு இந்த நாகரீகம் தேவையில்லை. நான் பம்பாயில் இருந்தேன். சேட்டு பெரிய கிளாசில் தரமான டீ கொடுத்தான். அதில் சுவைக்காக நிறைய பொருட்களை சேர்த்திருந்தார்கள். கூட வந்தவன் பாதியை குடித்துவிட்டு மீதியை வைத்தான்.ஏனய்யா மீதியை வைத்தாய்என்று கேட்டேன். முழுவதும் சாப்பிடக் கூடாதென்றான். நான் முழுதும் குடித்து விட்டு என் மேல் என்ன வழக்கா போடப்போகிறான்என்றேன்.

 

அடிப்படை ஏன் இதைச் சொல்கிறேன் என்றால், உன் வீட்டுக் காசு தான். உங்க வீட்டுப்பொருள்தான். ஆனாலும் உணவுப்பொருளை வீணாக்கக் கூடாது. தேவையில்லாமல் நான்கைந்து வகையான உணவுப்பொருளை தயாரித்து விட்டு குப்பையில் போடாதே. செல்வம் உன் கையை விட்டுப் போய் விடும். இப்படி நாங்கள் சொல்ல வேண்டும். என்னய்யா ஆன்மீகம் பேசுவதாக சொன்னீர்கள் என்றால், இதுதானய்யா ஆன்மீகம். மகான் திருவள்ளுவர் , கதை வைத்துக் கொள்ளமாட்டார்கள். திருக்குறளில் ஒரே ஒரு இடத்தில் மட்டும் கதை இருக்கிறது.

 

ஐந்துஅவித்தான் ஆற்றல் அகல்விசும்பு னார்கோமான்

இந்திரனே சாலும் கரி.

திருக்குறள் – நீத்தார் பெருமை – குறள் எண் 25.

 

இந்த ஒரே இடத்தில் மட்டும் தான் இருக்கும்.

மற்றதெல்லாம்இப்படி செய்! இப்படி செய்! இதுதான்!என்று சொல்லி விட்டுப் போய் விடுவார்.

 

மகான் திருவள்ளுவருடைய கருத்தை மாற்றவோ , மறுபரிசீலனை செய்யவோ, இல்லை என்று சொல்வதற்கோ ஒருவருக்கும் அதிகாரமில்லை! ஒருவரும் சொல்ல முடியாது. ஆசான் திருவள்ளுவர் முற்றுப்பெற்ற முனிவர், காமதேகத்தை வென்றவர். எல்லா வல்லமையும் உள்ளவர்.

 

ஆகவே பெரியோர்கள் நூல்களைப் படிப்போம், ஆசி பெறுவோம், ஆடம்பரத்திற்கு அவசியமில்லை. எவன் மதித்தால், மதிக்காவிட்டால் என்ன! நமக்கு வேண்டியது சாம்பார், ரசம், மோர், ஊறுகாய், ஒரு கூட்டு, ஒரு பொரியல். இது போதும். இதை விட்டுவிட்டு வரிசையாக வகைவகையாக இலையில் வைத்து வீணாக்காதே, எனக்குப் பிடிக்கவில்லை ஐயா. அந்த கொள்கையை கடவுளே மன்னிக்க மாட்டான். தேவை என்றால் செய்யலாம். ஓங்காரக்குடிலில் தினம் ஏழாயிரம் பேருக்கு சோறு போட்டிருக்கிறோம். இங்குள்ள தொண்டர்களெல்லாம் உயர்ந்த தொண்டர்கள். அவர்கள் திருவடியை நான் வணங்குகிறேன்.

 

என் தொண்டர்களை தினமும் வணங்குகிறேன். தொண்டர்கள் நீடு வாழ வேண்டும். அவர்கள்சாதம் வேண்டுமாஎன்று கேட்டுத்தான் பரிமாறுவார்கள். அப்படியே தள்ளி விட்டு போக மாட்டார்கள். ஓங்காரக்குடிலில் தட்டில் சாதத்தை மீதம் வைத்து விட்டு யாரேனும் சென்று, அடுத்த முறை வந்தால், வெளியில் போய் ஹோட்டலில் சாப்பிடு என்று சொல்லி விடுவார்கள். இந்த நாடு ஏழை நாடு. எனவே நாம் இதையெல்லாம் நினைக்கிறோம். நீங்களும் இந்த கொள்கையைக் கடைப்பிடித்தால் நல்லது.

 

எல்லோரும் ஞானிகள் ஆசியைப் பெற வேண்டும், பெரியோர்கள் ஆசியைப் பெற வேண்டும். கற்றுணர்ந்த பெரியோர்கள் என்னை வாழ்த்த வேண்டும். என்னை மனமார வாழ்த்த வேண்டும். தொண்டர்கள் திருவடியை தினம் வணங்குபவன். அவர்கள் நீடு வாழ வேண்டும், அவர்கள் குடும்பம் நன்றாக இருக்க வேண்டுமென்று சொல்லி தொண்டர்கள் திருவடியை மறைமுகமாக வணங்குபவன். அவர்கள் திருவடியில் இருக்கும் தூசியை நெற்றியில் பூசிக்கொள்பவன் நான்.

 

ஆகவே நீங்களும், துறையூர் ஓங்காரக்குடிலாசான் நீடு வாழ வேண்டும் என்று வாழ்த்தினால் அந்த வாழ்த்து எனக்கு துணையாக இருக்கும். நீங்கள் என்னை மனமார வாழ்த்தினால், அது ஆன்மாவிற்கு ஆக்கம் தரும். ஆன்மா ஆக்கம் பெற்றால், அது சிறப்பறிவைத் தரும், உடல் வலிமை தரும். பல உயிர்கள் என்னை மனமார வாழ்த்தினால், என் ஆன்மாவிற்குத் துணையாக இருக்கும். உயிர் ஆக்கம் பெறும். ஆக்கம் பெற்ற உயிர் விளக்கம் பெறும். விளக்கம் பெற்ற உயிர் வீடு பேறு அடையும்.

 

நாங்கள் அன்னதானம் செய்கிறோம். நீங்கள் மாதத்தில் இரண்டு பேருக்கு பசியாற்றினால், அவன் நீடு வாழ வேண்டுமென்று வாழ்த்துவான். அதன் மூ லமாக உங்கள் ஆன்மா ஆக்கம் பெறும். ஆன்மா ஆக்கம் பெறுவதற்கு பசியாற்ற வேண்டும். ஆன்மா விளக்கம் பெறுவதற்கு ஆசான் தயவு இருக்க வேண்டும்.

 

அகத்தீஸ்வரா! நீர்தான் என்னைக் காப்பாற்ற வேண்டும். எனக்கு ஞானம் சித்திக்க வேண்டுமென்று கேட்டால் ஆன்மா விளக்கம் பெறும். விளக்கம் பெற்றால் சிறந்த அறிவு வரும். அப்போது வீடு பேறு பெறலாம், மோட்சலாபம் பெறலாம்.

 

ஆகவே நீங்களெல்லாம் எனக்காக என்னை மனமார வாழ்த்த வேண்டும். நானும் அன்பர்களும் மேற்கொள்ளும் அறப்பணிகள் நல்லபடி நடக்க வேண்டுமென்று சொல்லி முடிக்கிறேன் வணக்கம்.

 

 

திருச்சி மாவட்டம், துறையூர்,

முருகப்பெருமானின் கல்கி அவதாரம்

தவத்திரு ஆறுமுக அரங்கமகாதேசிக சுவாமிகள் அவர்கள்

மகான் ஒளவையாரின் ஆத்திசூடிக்கு அருளிய அருளுரை

 

60. தெய்வம் இகழேல்

 

எண்ணிலா கோடி அண்டங்களாய் பரந்து விரிந்த இந்த பிரபஞ்சத்தை தோற்றுவித்து அவற்றில் பலவிதமான உயிரினங்களையும், அசையும் பொருள்களையும், அசையா பொருள்களையும் தோற்றுவித்தது இயற்கை கடவுள்.

 

எல்லாவற்றையும், எல்லா உயிர்களையும் தோற்றுவித்த இயற்கை கடவுள் ஓரறிவு முதல் ஐந்தறிவு உள்ள ஜீவராசிகளையும் தோற்றுவித்தது. தோற்றுவித்த இயற்கை கடவுள் உயிர்களை காத்து பின், காலபரியந்தத்தில் அதனதன் விதிக்கேற்ப அழித்தும் விட்டது. ஆதலினால் இயற்கை கடவுள் நியதி என்பது தோற்றுவித்தல், வாழ்வித்தல், அழித்தல் என்கிற மூன்று சக்திகளை கொண்டதாய் இருந்தது.

இப்படி தோற்றுவித்த உயிரினங்களிலேயே ஐந்தறிவுக்கு மேம்பட்ட ஒரு அற்புதமான உயிரினத்தை அதே இயற்கை கடவுள் படைத்தது. அதுதான் ஆறாவது அறிவான பகுத்தறிவு உடைய மனிதனாகும்.

 

எல்லா உயிரினங்களும் வழிபாடு என்ற ஒன்றை செய்வதில்லை. அவை இயற்கை நியதிக்கு உட்பட்டு தோன்றின, வாழ்ந்தன, இறந்தன. மனிதன் மட்டுமே தனது பகுத்தறிவை பயன்படுத்தி தன்னைச் சுற்றி நடப்பதை கவனிக்கலானான். தன்னை சுற்றியுள்ள கட்டுப்படுத்த முடியாத ஆற்றல் உடைய இயற்கையை கண்டு அஞ்சி பயந்து தம்மைக் காப்பாற்றிக் கொள்ள இயற்கையை வணங்கிடச் செய்தான். ஆனால் என்ன பயன்? இயற்கைக்கு அவனது வழிபாடும் சென்றடையாது. அது அவனுக்கு அருளும் செய்ய முடியாது. ஏனெனில் அது ஜடமாகும்.

 

இப்படிப்பட்ட மனிதர்களிலே ஒரே ஒருவன் மட்டும் இந்த இயற்கையின் போக்கை பல்லாயிரம் ஜென்மமாக தொடர்ந்து கண்காணித்து கண்காணித்து இயற்கையின் போக்கை அறிந்து ஏன் பிறக்கிறோம்? ஏன் வாழ்கிறோம்? ஏன் இறக்கிறோம்? என ஆழ்ந்து சிந்திக்கலானான்.

 

அந்த தனி ஒரு மனிதனின் சிந்தனை நாள்பட நாள்பட வலுப்பெற்று ஒரு பெரும் ஆற்றலாய் அவனுள் பெருகி தன்னையும் தான் யார்? என்பதையும் ஆராயத் தூண்டியதின் விளைவு தோற்ற ரகசியத்தை அறிந்திடலானான்.

 

தோற்றத்தின் ரகசியத்தை அறிய முற்பட முற்பட அவனைச் சுற்றி நடப்பதன் ரகசியங்கள் மெல்ல மெல்ல அவனது பகுத்தறிவிற்கு புலனாகியது. இப்படி பல ஆயிரம் ஜென்மம் தொடர்ந்திட தொடர்ந்திட அம்மனிதனின் வளர்ச்சி பெற்ற அறிவானது, அவனது ஆன்மாவைப் பற்றி அடுத்தடுத்த ஜென்மங்களுக்கும் தொடர்ந்து அவனை தூண்டிவிட செய்தது. பலபல ஜென்மம் அறிய அறிய, ஒரு நாள் இயற்கையின் ரகசியம் புரிய தொடங்கியது.

 

எல்லா உயிர்களிடத்தும் உள்ள இயற்கை, மூச்சுக்காற்றின் வாயிலாக அதனை தோற்றுவித்து வளர்த்து பின் காற்றின் இயக்கம் விதிக்கப்பட்ட காலபரியந்தத்தில் இயக்கமற்று போனால் மரணம் சம்பவிப்பதையும் கண்டுபிடித்தான்.

 

மூச்சுக்காற்று இயக்கமே தோற்றமும், வாழ்வும், இறப்பும் எனில் அந்த மூ ச்சுக்காற்றை வசப்படுத்தினால் அழிவற்ற நிலை எய்தலாம் என்பதையும் அவனால் உணர முடிந்தது.

 

இப்படிப்பட்ட ஒரு மாபெரும் மூச்சுக்காற்று ரகசியத்தை அறிந்து, அதை வசப்படுத்திட உள்ளே நிறுத்தினான். ஆனால் முறை எது? என அறியாததால் இறந்து விட்டான். இப்படி மூச்சுக்காற்றோடு பழகி பழகி பழகி பல ஆயிரம் ஜென்ம பழக்கத்தாலே அதை அடக்கி வைக்கும் அமைப்பு மனிததேகத்தில் உள்ளதையும் அறிந்தான். அந்த பொறி அமைப்பு இயங்கிட வேண்டுமாயின், அதற்குரிய வாயில் திறக்க வேண்டுமாயின், அதற்கு எல்லாம் வல்ல இயற்கைக்கு ஆதாரமாயும், உயிருக்கு ஆதாரமாயும், இயக்கத்திற்கும் ஆதாரமாயும் இருக்கின்றதான ஒரு ஆதார சக்தியின் ஆசியை பெற வேண்டுமென்பதையும், அது அனுமதித்தால்தான் மூச்சுக்காற்று லயப்படும். வாயில் திறக்கும் என்பதையும் அறிந்தான். அந்த சக்தியே தர்மசக்தி என்பதையும் அறிந்தான்.

 

தர்மசக்தியானது ஜீவர்களிடத்து உள்ளதையும், ஜீவர்களுக்கு இரங்கி இதம் புரியும்போது ஜீவர்கள் மகிழும் மகிழ்ச்சியால் ஜீவதயவாய் வெளிப்படுவதையும் அறிந்து அனைத்து உலக உயிர்களிடத்தும் அன்பு செலுத்த செலுத்த ஜீவதயவு அவனுள் பெருகி பெருகி எல்லா கட்டுகளும் உடைந்து மூச்சுக்காற்று லயமாகும் வாயில் திறந்து கொண்டது.

 

அப்படி திறந்த வாயில்தான் புருவமத்தி. அந்த பொறியமைப்பே இடகலை, பின்கலை, சுழிமுனை என்கிற இடது கலை, வலது கலை, சுழிமுனை என்றும், இடது பக்கமாக வந்து போகின்ற காற்று இடது கலையென்றும், வலதுபக்கமாக வந்து போகின்ற காற்று வலது கலை என்றும், சுழிமுனை எனப்படுவது புருவமத்தி என்றும் அறிந்து இடது கலையையும் வலது கலையையும் சுழிமுனையாகிய புருவமத்தியில் ஒடுங்கச் செய்தால் அது பிரம்மநாடி வழியாக, கீழ்நோக்கி பயணித்து அங்கே இயற்கையால் படைக்கப்பட்டதும் இயற்கையை வெல்லுவதற்காகவும் ஆதாரமாக உள்ள சக்தியான குண்டலினி சக்தியை தூண்டி மேல்நோக்கி பயணித்து இயற்கை வெல்லும் அமிர்தத்தை சாகா வரமளிக்கும் அமிர்தத்தை நம்முள் சுரக்கச் செய்து அது மரணமிலாப் பெருவாழ்வையும் அருளும் என்பதையும் அறிந்து கொண்டான்.

 

இப்படி அமிர்ததாரை நம்முள் தோன்றிட ஆதார சக்தி என்பது ஜீவதயவே ஆதாரமாய் உள்ளதாய் இருப்பதையும் அறிந்து, எல்லா ஜீவர்களையும் மகிழச் செய்து மகிழச் செய்து, ஜீவதயவைப் பெருக்கிட பெருக்கிட, அது அமிர்ததாரை உண்டாவதற்கு காரணமான முன்ஜென்ம பாவங்களால் உண்டான மும்மலக் குற்றங்களை உடைத்தெறிந்தது. காமத்தினால் ஆன இந்த காமதேகத்தில் அமிர்தம் உண்டாகாது. காமமே தடுப்பதை அறிந்து காமத்தை ஜீவதயவினால் உடைத்தெறிய காமம் அற்ற தேகம் உண்டானது. காமமற்ற தேகம், நரைதிரை மூ ப்பை நீக்கி இயற்கையின் விதியான தோற்றுவித்தால் வாழ்வித்தல் அழித்தல் என்ற விதியிலிருந்து இந்த அழியும் மானுட தேகத்தை அழியவிடாமல் தடுத்தது. மேலும் தயவு பெருகிட பெருகிட அமிர்ததாரை உண்டாகி அது உடம்பெங்கும் பரவி பரவி, உடம்பினுள் ஜோதி தனை உண்டாகியது. அதுவே எல்லாவற்றிற்கும் ஆதாரமான விளங்கிய தர்மஜோதி, அதுவே அருட்பெருஞ்ஜோதி, அதுவே சரவணஜோதி அந்த ஆதிமூல நாதபிரம்ம ஜோதியானது உடம்பில் கசடான மானுட தேகம். ஆயிரம் மாற்றுடை தங்கமாய் மாறி சதகோடி சூரியபிரகாசமுள்ள ஒரு மாபெரும் குளிர்ச்சி பொருந்திய ஜோதி உடம்பாக ஒளி உடம்பாக மாறியது.

 

அப்படிப்பட்ட ஒளிதேகம் பிறப்பற்றது, இறப்பற்றது, என்றும் அழிவில்லாதது, இயற்கையில் ஆக்கல், வாழ வைத்தல், அழித்தல் என்ற முத்தொழிலிற்கும் அப்பால் சென்று மறைத்தல், அருளல் என மேலும் இரு சக்திகளை அளித்து ஐந்தொழில் புரியும் வல்லமையைத் தந்தது.

 

இப்படி உயிர்களை ஐந்தொழில் செய்து காக்கும் வல்லமையை பெற்றவர்களே, தெய்வம் எனப்படுவர். இப்படி இப்பிரபஞ்சத்திலேயே முதன் முதலில் ஐந்தொழில் புரியும் வல்லமை பெற்றவன் முருகப்பெருமான் மட்டுமே. அவனே ஆதி தெய்வம், மனிதன் தெய்வமாகும் மார்க்கமே ஞானமார்க்கம். அதன் வழிமுறைகளே சமரச சுத்த சன்மார்க்க நெறிகள், அவன் அடைந்த ஜோதி நிலையே சரவணஜோதி நிலை, தான் அடைந்த அந்த மரணமிலாப் பெருவாழ்வை அந்த பேரின்பநிலையை யாரும் அடைய வகுத்த பாதையே ஞானம் எனப்படும். அந்த ஞானத்தின் தலைவனாய் இருக்கின்ற முருகப்பெருமான் ஞானத்தலைவனே கண்கண்ட முதல் தெய்வமாகும்.

 

இப்படிப்பட்ட பேராற்றலையும், பெருங்கருணையையும் கொண்டவனான முருகப்பெருமான், தான் அடைந்த அற்புதமான பேரின்ப நிலையான மரணமிலாப் பெருவாழ்வை மற்றவர்களும் அடைந்திட தனக்கு தவத்திற்கு உதவியாய் இருந்திட்ட முதன்மை சீடன் அகத்தியனுக்கு உபதேசித்து அகத்தியர் மூலமாக குருசீட பாரம்பரியத்தை உருவாக்கி அகத்தியரை தொடர்ந்து புலத்தீசர் என குருசீட பரம்பரையை உருவாக்கி அந்த வகையில் வந்த எண்ணிலா கோடி சித்தரிஷி கணங்களையும், முருகப்பெருமானே வாசி நடத்திக் கொடுத்து அவர்களையும் தான் அடைந்த மரணமிலாப் பெருவாழ்வை அவர்களும் அடைய வழிவகை செய்தான். இப்படி திருக்கூட்ட மரபினில் வந்திட்ட அனைவருமே தான் வேறு, தலைவன் வேறு என்ற வேறுபாடில்லாமல் அனைவரும் ஒன்றாகினபடியினாலே திருக்கூட்ட மரபினர் யாவரும் தெய்வநிலை எய்தியவர்களே. அப்படிப்பட்ட ஞானிகளை ஞானிகள் திருவடிகளைப் பற்றி வழிபடுவதே இறை வழிபாடு, தெய்வ வழிபாடாகும்.

 

இன்று சமுதாயத்தில் தெய்வம் உண்டென்றும், இல்லையென்றும் கூறிக் கொண்டுதான் இருக்கிறார்கள். உண்டென்போர் தெய்வங்களை நிந்தனை செய்ய மாட்டார். இல்லையென்போரும் அவரவர் வேலையைப் பார்த்து கொள்வார். ஆனால் இல்லையென்று சொல்வதே குற்றம்தான். அதைவிட பெருங்குற்றம். தெய்வங்களை இகழ்ந்து பேசுவதாகும். ஏனெனில் தெய்வங்கள் எனப்படுவது, நம்மோடு வாழ்ந்து நமக்கும் நமது சமுதாயத்திற்கும் அளவிலா தானதருமங்களைச் செய்து சமுதாயத்தை நல்வழிப்படுத்தி ஞானம் அடைந்து படைத்தல், காத்தல், அழித்தல் என்ற இயற்கையின் முத்தொழிலையும் புரியும் வல்லமையும் மறைத்தல், அருளல் எனும் மேலும் இரண்டு தொழில்களையும் செய்யும் வல்லமையும் பெற்று இயற்கைக்கும் மேலாய் நின்று, ஐந்தொழில் புரிகின்ற உயிர்கள் எல்லாவற்றிற்கும் மேலான சக்தியை உடையவர்கள், அவர்கள் ஒருபோதும் கோபப்பட மாட்டார்கள். அப்படிப்பட்ட தெய்வங்களை இகழ்ந்து பேசி தெய்வநிந்தனைக்கு ஆளானால் அதன் விளைவுகளை யாராலும் சந்திக்க முடியாது.

 

தெய்வ நிந்தை செய்வோர் அடைகின்ற பெரும் பாவங்களையும், தெய்வத்தை இகழ்கின்றவன் அடையும் துன்பங்களையும் மகான் திருமூலர் தெளிவாக தனது திருமந்திரத்தில் குறிப்பிடுகிறார்.

 

தெளிவுறு ஞானத்துச் சிந்தையின் உள்ளே

அளிவுறு வாரம ராபதி நாடி

எளியனென் றீசனை நீசர் இகழில்

கிளியொன்று பூஞையாற் கீழது வாகுமே.

திருமந்திரம் – சிவ சிந்தை – கவி எண் 526.

 

மேலோர் தெளிந்த ஞானத்தால் தேவருலக அதிபதியாகிய சிவனை நாடி அருள் பெறுவர். அவ்வாறிருக்க சிவனே எளிமையானவன் என்று கீழோர் இகழ்வாராயின் அவர்களது நிலை பூனையிடத்து அகப்பட்ட கிளிபோல் ஆகிவிடும் என்பதாம்.

 

முளிந்தவர் வானவர் தானவர் எல்லாம்

விளிந்தவர் மெய்ந்நின்ற ஞானம் உணரார்

அளிந்தமு தூறிய ஆதிப் பிரானைத்

தளிந்தவர்க் கல்லது தாங்கஒண் ணாதே.

திருமந்திரம் – சிவ நிந்தை – கவி எண் 527.

தேவரும் அசுரரும் காமத்தில் பொருந்தியிருப்பதால் ஆதிபிரானை அறிய முடியாது.

 

அப்பகை யாலே அசுரருந் தேவரும்

நற்பகை செய்து நடுவே முடிந்தனர்

எப்பகை யாகிலும் எய்தார் இறைவனைப்

பொய்ப்பகை செய்யினும் ஒன்றுபத் தாமே.

திருமந்திரம் – சிவ நிந்தை – கவி எண் 528.

 

அசுரர்களும் தேவர்களும் ஈஸ்வர நிந்தையால் தீராப்பகைக் கொண்டு உய்வு பெறாது இடையே அழிந்தனர். ஈஸ்வரனிடம் எவ்வாறு பகை கொண்டாலும், அவனை அடைய முடியாது. மேலும் போலியாக பகைக் கொண்டாலும் அவர்கள் செய்யும் தீமை ஒன்றுக்கு பத்தாக வளரும்.

 

இப்படி தெய்வத்தை நிந்தை செய்வோர் கொடும் நரகை அடைவது உறுதி என்கிறார் மகான் திருமூலர். அதுபோல திருக்கூட்ட மரபினில் வந்தோர் அனைவரும் தெய்வமேயாதலால் வாசி நடத்திக் கொடுக்கப்பட்டு தவம் இயற்றும் பெரியோர், தன்னலமற்ற தவசிகளாய் விளங்குகின்ற சற்குருவினையும், தெய்வமாக எண்ணி போற்றிட வேண்டும். ஏனெனில் குருவே தெய்வம் என்பது திருக்கூட்ட மரபின் விதியாகும்.

 

அப்படிப்பட்ட ஞானகுருவின் தன்மையை உணராது, அவர்களது எளிமையான கோலம் கண்டு இகழ்ந்து பேசிவிட்டால் குருநிந்தைக்கு ஆளாவார்கள். குருவே தெய்வம் ஆதலினால் அவர்கள் தெய்வநிந்தைக்கும் குருநிந்தைக்கும் ஆளாகி பெரும்பாவங்களை சுமப்பார்கள்.

 

பெற்றிருந் தாரையும் பேணார் கயவர்கள்

உற்றிருந் தாரை உளைவன சொல்லுவர்

கற்றிருந் தார்வழி உற்றிருந் தாரவர்

பெற்றிருந் தாரன்றி யார்பெறும் பேறே.

திருமந்திரம் – குரு நிந்தை – கவி எண் 530.

 

கீழ்மக்கள் ஞானம் பெற்றவர்களையும், பேணி பாதுகாக்க மாட்டார்கள். அவர்களது உடன் இருப்போரையும் வருந்தும்படி சொல்வார்கள். ஆனால் கற்றிருந்தோரிடம் பொருந்தியிருந்தவர்களே ஞானம் பெற்றவர்களாவார். இவரன்றி யார் இப்பேற்றினை பெறமுடியும்.

 

ஓரெழுத் தொருபொருள் உணரக் கூறிய

சீரெழுத் தாளரைச் சிதையச் செப்பினோர்

ஊரிடைச் சுணங்கனாய்ப் பிறந்தங் கோருலகம்

பாரிடைக் கிருமியாய்ப் பழகுவர் மண்ணிலே.

திருமந்திரம் – குரு நிந்தை – கவி எண் 531.

 

ஓம் எனும் பிரணவத்தின் உட்பொருளை சீடன் உணரும்படி செய்த குருவை பெருமை பெற்ற நாதத்தை எழுப்பித் தந்த குருவை மனம் நோகும்படி செய்பவர், ஊர் சுற்றித்திரியும் நாயாகப் பிறந்து பின் ஒரு யுகம் முழுதும் இந்த பூமியில்புழுவாய் பிறந்து கிடப்பர். அதாவது குருநிந்தனை செய்தோர் இழிந்த பிறப்பில், பிறந்து உழல்வார்கள் என்பதாம்.

 

பத்தினி பத்தர்கள் தத்துவ ஞானிகள்

சித்தங் கலங்கச் சிதைவுகள் செய்தவர்

அத்தமும் ஆவியும் ஆண்டொன்றில் மாண்டிடுஞ்

சத்தியம் ஈது சதாநந்தி ஆணையே.

திருமந்திரம் – குரு நிந்தை – கவி எண் 532.

 

இல்லற ஞானிகளும், தத்துவ ஞானிகளும், பத்தினி பெண்களும் மனம் வருந்தும்படி கேடுகளை செய்தவரது பெரும் பொருளும் உயிரும் ஒரு வருடத்திற்குள் அவர்களை விட்டு நீங்கிவிடும். அதாவது ஞானிகளை, பக்தர்களை தத்துவ ஞானிகளை, பத்தினி பெண்களை இகழ்ந்து பேசியவர்கள் ஒரு வருட காலத்திற்குள் தனது செல்வம் அனைத்தும் இழந்து கொடுமையாக நோய்வாய்ப்பட்டு இறந்து போவார்கள் என்பது உண்மையாகும். இது சதாசிவத்தின் மேல் ஆணை என்கிறார் மகான் திருமூலர்.

 

மந்திரம் ஓரெழுத் துரைத்த மாதவர்

சிந்தையில் நொந்திடத் தீமைகள் செய்தவர்

நுந்திய சுணங்கனாய்ப் பிறந்து நூறுரு

வந்திடும் புலையராய் மாய்வர் மண்ணிலே.

திருமந்திரம் – குரு நிந்தை – கவி எண் 533.

 

பிரணவ மந்திரத்தை உபதேசித்த குருவிற்கு தீமை செய்தவர், கீழ்பிறப்பாய் பிறந்து சிறப்பின்றி மடிந்துபோவார்கள்.

 

ஈச னடியார் இதயங் கலங்கிடத்

தேசமும் நாடுஞ் சிறப்பும் அழிந்திடும்

வாசவன் பீடமும் மாமன்னர் பீடமும்

நாசம தாகுமே நந்நந்தி யாணையே.

திருமந்திரம் – குரு நிந்தை – கவி எண் 534.

 

சிவனையே நாடி நின்று வாழும் சிவனடியார் மனம் கலங்கிட நடந்திட்டால், கலங்க நடந்தோர், வாழும் நாடும் தேசமும் பிற சிறப்புகளும் அழிந்துவிடும். அவர் இந்திரனாயினும், பெரும் சக்கரவர்த்தியாக இருந்தாலும் சரி, இந்திரனது ஆட்சி பீடமும், பெரிய மண்ணரது ஆட்சி பீடமும் நாசமாகும். இது சிவபெருமான் மேல் ஆணை என்கிறார் மகான் திருமூலர்.

 

இப்படி சிவநிந்தையும் சிவனையே எண்ணி வழிபடும் சிவனடியாரான குருவும் சிவனே. ஆதலினால் குருவை நிந்திப்பவனும் பெரும் பாவத்திற்கு உள்ளாகி, பலவிதமான இழிபிறப்பை அடைவார்கள் என்கிறார் மகான் திருமூலர்.

 

மேலும் இது போன்றே எல்லா ஞானிகளும் குருவே தெய்வம் என போற்றி வணங்கி வணங்கி குரு சேவை செய்துதான், தானும் குருவாகி தெய்வமும் ஆனார்கள். ஆதலினாலே தன்னையறிந்து தன்னை வென்ற தகைமை பெற்ற பெரியோர்களை ஞான குருவினை இகழ்ந்து பேசுதல் பெரும் பாவமும், எண்ணிலா துன்பங்களையும் நமக்குத் தரும். எக்காரணம் கொண்டும் அவர்களது தவகோலத்தின் எளிமை கண்டு இகழ்ந்து பேசுதல் ஆகாது.

 

தவம் செய்திட்ட தன்னையறிந்து தன்னை வென்றிட்ட பெரியோரது துணையைப் பெற்று கடைத்தேறிக் கொள்ள வேண்டுமே அன்றி அவர்களை இகழ்தல் ஆகாது என்பதை மகான் திருவள்ளுவப்பெருமானும் வலியுறுத்தி தனது திருக்குறளிலே பெரியாரைப் பிழையாமை என்ற தலைப்பிலே பத்து குறள்கள் மூலம் வலியுறுத்துகிறார்.

 

பெரியாரைப் பிழையாமை

891.   ஆற்றுவார் ஆற்றல் இகழாமை போற்றுவார்

போற்றலுள் எல்லாம் தலை.

மேற்கொண்ட செயலைச் செய்து முடிக்க வல்லவரின் ஆற்றலை இகழாதிருத்தல், காப்பவர் செய்து கொள்ளும் காவல் எல்லாவற்றிலும் சிறந்தது.

 

892.   பெரியாரைப் பேணாது ஒழுகின் பெரியாரால்

பேரா இடும்பை தரும்.

ஆற்றல் மிகுந்த பெரியாரை விரும்பி மதிக்காமல் நடந்தால், அது அப்பெரியாரால் நீங்காத துன்பத்தைத் தருவதாகும்.

 

893.   கெடல்வேண்டின் கேளாது செய்க அடல்வேண்டின்

ஆற்று பவர்கண் இழுக்கு.

அழிக்க வேண்டுமானால் அவ்வாறே செய்து முடிக்க வல்லவரிடத்தில் தவறு செய்தலை, ஒருவன் கெட வேண்டுமானால் கேளாமலே செய்யலாம்.

 

894.   கூற்றத்தைக் கையால் விளித்தற்றால் ஆற்றுவார்க்கு

ஆற்றாதார் இன்னா செயல்.

ஆற்றல் உடையவர்க்கு ஆற்றல் இல்லாதவர் தீமை செய்தல், தானே வந்து அழிக்கவல்ல எமனைக் கைகாட்டி அழைத்தாற் போன்றது.

 

895.   யாண்டுச்சென்று யாண்டும் உளராகார் வெந்துப்பின்

வேந்து செறப்பட் டவர்.

மிக்க வலிமையுடைய அரசனால் வெகுளப்பட்டவர், அவனிடமிருந்து தப்புவதற்காக எங்கே சென்றாலும் எங்கும் வாழ முடியாது.

 

896.   எரியால் சுடப்படினும் உய்வுஉண்டாம்; உய்யார்

பெரியார்ப் பிழைத்துஒழுகு வார்.

தீயால் சுடப்பட்டாலும் ஒருகால் உயிர்பிழைத்து வாழ முடியும்; ஆற்றல் மிகுந்த பெரியாரிடத்தில் தவறு செய்து நடப்பவர் தப்பிப் பிழைக்க முடியாது.

 

897.   வகைமாண்ட வாழ்க்கையும் வான்பொருளும் என்னாம்

தகைமாண்ட தக்கார் செறின்?

தகுதியால் சிறப்புற்ற பெரியார் ஒருவனை வெகுண்டால் அவனுக்குப் பலவகையால் மாண்புற்ற வாழ்க்கையும் பெரும் பொருளும் இருந்தும் என்ன பயன்?

 

898.   குன்றுஅன்னார் குன்ற மதிப்பின் குடியொடு

நின்றன்னர் மாய்வர் நிலத்து.

மலை போன்ற பெரியார் கெட நினைத்தால், உலகில் அழியாமல் நிலைபெற்றாற்போல் உள்ளவரும் தம் குடியோடு அழிவர்.

 

899.   ஏந்திய கொள்கையார் சீறின் இடைமுரிந்து

வேந்தனும் வேந்து கெடும்.

உயர்ந்த கொள்கையுடைய பெரியார் சீறினால், நாட்டை ஆளும் அரசனும் இடை நடுவே முரிந்து அரசு இழந்து கெடுவான்.

 

900.   இறந்துஅமைந்த சார்புடையர் ஆயினும் உய்யார்

சிறந்துஅமைந்த சீரார் செறின்.

மிகச் சிறப்பாக அமைந்த பெருமையுடையவர் வெகுண்டால், அளவு கடந்து அமைந்துள்ள சார்புகள் உடையவரானாலும் தப்பிப் பிழைக்க முடியாது.